ԵՐԵՎԱՆ, 7 հոկտեմբերի – Sputnik. Երևանի դուդուկի փառատոնն առաջին անգամ կանցկացվի Հայաստանում հոկտեմբերի 9-11–ը, Spuntik Արմենիային ասաց միջոցառման կազմակերպիչ «Music of Armenia» ընկերության տնօրեն Հասմիկ Մովսիսյանը։
«Մենք ցանկանում ենք ներկայացնել հայկական դուդուկի ողջ գունապնակը, հիշեցնել այդ գործիքի կարևոր նշանակությունը հայ ժողովրդի համար, մի հարթակում տարբեր երկրների երաժիշտներին ելույթ ունենալու հնարավորություն ընձեռել», – ասել է Մովսիսյանը։
Նրա խոսքերով` Yerevan Duduk Festival-ը կազմակերպության նախագծերից մեկն է, որի շնորհիվ այն ամբողջ աշխարհում քարոզում է հայ երաժշտությունն ու արվեստը։
Մովսիսյանը հայտնեց, որ փառատոնին կմասնակցեն ոչ միայն դուդուկի անվանի վարպետներ, այլև տարբեր սերունդների սկսնակ երաժիշտներ։
«Փառատոնին կմասնակցեն Գեորգի Մինասովը և «Դուդուկի» համույթը, Էմանուել Հովհաննիսյանը և «Emotion» բենդը, Նորայր Քարտաշյանն ու «Մենուա» բենդը», – ասաց Մովսիսյանը։
Նա նշեց, որ փառատոնին անձնական խնդիրների պատճառով չի կարողանա մասնակցել Ջիվան Գասպարյանը։
«Սակայն փառատոնը ամենամյա կլինի, այնպես որ մյուս տարի մենք անպայման կլսենք նրա նվագը», – ասաց Մովսիսյանը։
Yerevan Duduk Festival–ը կներկայացնի հայկական դուդուկի ողջ գունապնակը
17:08 07.10.2015 (Թարմացված է: 17:51 12.10.2015)
© Yerevan Duduk Festival
Բաժանորդագրվել
Մենք ցանկանում ենք ներկայացնել հայկական դուդուկի ողջ գունապնակը, հիշեցնել այդ գործիքի կարևոր նշանակությունը հայ ժողովրդի համար, ասաց միջոցառման կազմակերպիչ «Music of Armenia» ընկերության տնօրեն Հասմիկ Մովսիսյանը
