ԵՐԵՎԱՆ, 7 հոկտեմբերի– Sputnik. 2015 թվականի հոկտեմբերի 5-ին՝ ժամը 19։20-ին, ՀՀ ոստիկանության Արաբկիրի բաժնից հաղորդում է ստացվել այն մասին, որ Երևան քաղաքի Ադոնցի 5 շենքի թիվ 15 բնակարանում առկա է տղամարդու դիակ, հաղորդվում է Հայաստանի քննչական կայքում:
Անմիջապես դեպքի վայր է մեկնել քննչական-օպերատիվ խումբը։ Հյուրասենյակի կենտրոնական հատվածում հայտնաբերվել է նույն տան բնակչի դին՝ խիստ արտահայտված նեխային փոփոխությունների փուլում:
Դեպքի վայրի զննության ընթացքում պարզվել է, որ դիակի առ վերին վերջույթի ոսկրերը՝ բազկի միջին երրորդից մինչև նախաբազկի ստորին երրորդական, ամբողջովին մերկացված են փափուկ հյուսվածքներից և մկաններից, իսկ նախաբազկի ստորին երրորդից ավելի հեռակա ոսկրերը բացակայում են:
Քրեական գործով էական նշանակություն ունեցող հանգամանքների պարզաբանման համար նշանակվել է դատաբժշկական փորձաքննություն:
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննություն է տարվում՝ պարզելու 1966թ. ծնված Ռ. Թևանյանի մահվան հանգամանքները։
Երևանում հայտնաբերվել է դի՝ խիստ արտահայտված նեխային փոփոխությունների փուլում
15:06 07.10.2015 (Թարմացված է: 17:50 12.10.2015)
Բաժանորդագրվել
ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնում քննություն է տարվում տղամարդու մահվան հանգամանքները պարզելու համար
