Տեսագրությունում, որը հրապարակվել է ռուսական ռազմական գերատեսչության կողմից, երևում է, որ տրանսպորտային միջոցները տեղափոխվում են Սիրիայի մարդաբնակ շրջաններ, զրահատեխնիկան տեղադրվում է մզկիթների մոտ։
«Գրոհայինները որպես կանոն զրահատեխնիկան տեղավորում են անմիջականորեն մզկիթների մոտ` հիանալի իմանալով, որ ռուսական ավիացիան երբեք չի հարվածի նրանց»,– ասվում է YouTube–ում ՌԴ պաշտպանության նախարարության պաշտոնական ալիքում տեղադրված տեսագրության մեկնաբանությունում։
Ավելի վաղ երեքշաբթի նախարարության պաշտոնական ներկայացուցիչ Իգոր Կոնաշենկովը հայտարարել է, որ ռուսական ՌՕՈՒ ավիահարվածները խուճապ են առաջացրել ԻՊ գրոհայինների մոտ։
Սեպտեմբերի 30–ից Ռուսաստանը Սիրիայի նախագահ Բաշար Ասադի խնդրանքով սկսել է կետային ավիահարվածներ հասցնել Սիրիայում «Իսլամական պետության» օբյեկտներին` օգտագործելով Սու–25, Սու-24Մ, Սու–34 ռմբարկուները, օդից նրանց պաշտպանում են Սու-30ՍՄ կործանիչները։ Պաշտպանության նախարարության տվյալներով` ռուսական ավիացիան արդեն զգալիորեն խախտել է գրոհայինների կառավարման և նյութատեխնիկական ապահովման համակարգը, ինչպես նաև վնաս հասցրել մահապարտ–ահաբեկիչների նախապատրաստման ենթակառուցվածքին։
ԻՊ–ն մարտական տեխնիկան տեղափոխվել է Սիրիայի բնակելի շրջաններ։ Կադրեր հետախուզական դրոնից
13:46 07.10.2015 (Թարմացված է: 17:50 12.10.2015)
© Ruptly
Բաժանորդագրվել
ՌԴ ՊՆ–ն հրապարակել է տեսագրություն հետախուզական դրոններից, որոնք վկայում են ԻՊ–ն գրոհայինների կողմից Սիրիայի բնակելի զանգվածների և մզկիթների մոտ տեխնիկա և զենք տեղադրելու մասին։ Դիտեք կադրերը, որոնք նկարվել են դրոնով։
