ԵՐԵՎԱՆ, 6 հոկտեմբերի–Sputnik. ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում քննություն է տարվում՝ պարզելու 2 տարեկան երեխայի մահվան հանգամանքները, հաղորդում է ՀՀ քննչական կոմիտեի մամուլի ծառայությունը։
Մամուլի ծառայության հաղորդագրության մեջ նշվում է, որ 2015 թվականի հոկտեմբերի 5-ին Վաղարշապատի հիվանդանոցից ահազանգ է ստացվել, որ իրենց մոտ է տեղափոխվել 2 տարեկան երեխա՝ մահացած վիճակում:
Նյութերի նախապատրաստման ընթացքում «Վաղարշապատի հիվանդանոց» ՊՓԲԸ-ի վերակենդանացման բաժանմունքի հերթապահ բժիշկը բացատրություն է տվել, որ երեխան հիվանդանոց է ընդունվել մահացած. փոքրիկի բերանի խոռոչից հանել են նրբերշիկի մնացորդներ, որից հետո ցույց տվել համապատասխան բուժօգնություն, սակայն կյանքը հնարավոր չի եղել փրկել:
«Գործով էական նշանակություն ունեցող հանգամանքների պարզաբանման նպատակով նշանակվել է դատաբժշկական փորձաքննություն», – նշվում է հաղորդագրության մեջ։
Մամուլի ծառայությունից նաև հայտնում են, որ դեպքի օրը հնարավոր չի եղել զննել դեպքի վայրը՝ երեխայի ընտանիքի հոգեբանական ծանր դրությունը հաշվի առնելով:
Վաղարշապատում 2 տարեկան երեխա է մահացել
19:54 06.10.2015 (Թարմացված է: 17:50 12.10.2015)
Բաժանորդագրվել
Ցույց է տրվել համապատասխան բուժօգնություն, սակայն երեխայի կյանքը հնարավոր չի եղել փրկել
