ԵՐԵՎԱՆ, 6 հոկտեմբերի– Sputnik. «Տրանսաերո» ավիաընկերությունը չեղյալ է հայտարարում 2015թ.–ի հոկտեմբերի 7–ին նախատեսված 32 չվերթ, այդ թվում` Մոսկվա–Երևան (UN261 Վնուկովո–Երևան) և Երևան–Մոսկվա (UN262 Երևան–Վնուկովո) չվերթերը, նշվում է «Աերոֆլոտի» հաղորդագրության մեջ։
«Չեղյալ հայտարարված չվերթերի (բացի UN 102) ուղևորների տեղափոխումը կիրականացվի «Աերոֆլոտ» խմբի ընկերությունների չվերթերով` SU կոդով (բացի գործընկեր ընկերությունների կողմից իրականացվող 3000-4999 դիապազոնի չվերթերի շերինգային կոդը)։ UN 102 չվերթի ուղևորները կտեղափոխվեն «Տայմիր» ավիաընկերության միջոցով», – հաղորդում է «Աերոֆլոտը»։
«Չեղյալ հայտարարված չվերթերի տարանցիկ ուղևորները կտեղափոխվեն իրենց ժամանման վայրը Պուլկովո կամ Շերեմետևո օդանավակայանների միջոցով։ 2015թ.–ի հոկտեմբերի 10–ին նախատեսված «Տրանսաերոյի» մնացած չվերթերն իրականացվում են` ըստ չվացուցակի», – նշում է ավիափոխադրողը։
Չեղյալ են հայտարարվել նաև հոկտեմբերի 7–ին նախատեսված չվերթերը դեպի Սանկտ Պետերբուրգ, Նովոսիբիրսկ, Եկատերինբուրգ, Աստրախան, Տոմսկ, Կրասնոյարսկ, Մուրմանսկ, Ռոստով, ինչպես նաև Բեռլին, Վիեննա, Բարսելոնա, Պրահա, Հռոմ, Փարիզ և Ստամբուլ։
Նախօրեին տեղեկություն էր ստացվել այն մասին, որ «Տրանսաերո» ավիաընկերությունը չեղյալ է հայտարարել հոկտեմբերի 6–ին նախատեսված 33 չվերթ, այդ թվում` Մոսկվա–Երևան չվերթը (UN 261 Վնուկովո–Երևան)։
Ավելի վաղ «Աերոֆլոտը» հաղորդագրություն էր տարածել, որ հոկտեմբերի 3–ին, 4–ին և 5–ին «Տրանսաերո» ավիաընկերության տոմսեր ձեռք բերած ուղևորները կտեղափոխվեն «Տրանսաերո» ավիաընկերության չվերթերով, իսկ հետագա օրերին որոշ չվերթերում հնարավոր է ավիափոխադրողի փոփոխություն։
«Տրանսաերո» ռուսական մասնավոր ավիաընկերությունն ի վիճակի չի եղել սպասարկել պարտքերը, որոնք լիզնիգային պարտավորությունների հետ միասին կազմել են շուրջ 250 մլրդ ռուբլի։
Սեպտեմբերին կառավարության հաստատած պլանը` «Տրանսաերոյի» բաժնետոմսերի 75 տոկոսը պետական «Աերոֆլոտին» հանձնելու մասին հետագա բարելավման համար, ձախողվել է։ Վարկատուները դիտարկում են ընկերության սնանկության տարբերակը։ Ալֆա–բանկն ու Սբերբանկն արդեն հայտարարել են, որ դատարան դիմելու մտադրություն ունեն։
«Տրանսաերոն» չեղյալ է հայտարարել հոկտեմբերի 7–ին նախատեսված Մոսկվա–Երևան–Մոսկվա չվերթը
19:39 06.10.2015 (Թարմացված է: 17:50 12.10.2015)
© Sputnik / Сергей Пивоваров
/ Բաժանորդագրվել
Չեղյալ հայտարարված չվերթերի տարանցիկ ուղևորներն իրենց ժամանման վայր կտեղափոխվեն Պուլկովո կամ Շերեմետևո օդանավակայանների միջոցով, նշվում է «Աերոֆլոտի» հաղորդագրության մեջ
