Մանկապարտեզ` էլեկտրոնային գրանցմամբ. նորամուծություններ Երևանում

ԵՐԵՎԱՆ, 6 հոկտեմբերի– Sputnik. Երևանի քաղաքապետարանը գործարկում է մանկապարտեզներ հաճախելու և էլեկտրոնային հերթագրման նոր համակարգ։

Ինչպես նշվեց Երևանի քաղաքապետարանում հերթական աշխատանքային խորհրդակցության ընթացքում, էլեկտրոնային համակարգը հնարավորություն է տալիս բացառել կրկնակի հերթագրման դեպքերը։

Երևանի մանկապարտեզներ հերթագրվելու խնդիրը ծագել է մի քանի տարի առաջ, երբ քաղաքապետարանը որոշում ընդունեց ամբողջությամբ իր վրա վերցնել նախադպրոցական հաստատությունների ֆինանսավորումը։ Դա հանգեցրել է մանկապարտեզներում դիմումների կտրուկ աճին, որոնք նախատեսված չեն եղել երեխաների նման հոսքի համար։ Արդյունքում որոշում է ընդունվել մայրաքաղաքների մանկապարտեզներում ընդունելություն իրականացնել նախնական գրանցմամբ։

Սակայն շատ ծնողներ, ենթադրելով, որ հերթը պարզապես կարող է չհասնել նրանց, իրենց երեխաներին գրանցել են միանգամից մի քանի մանկապարտեզներ։ Արդյունքում ձևավորվել են մանկապարտեզ հաճախելու հսկայական ցուցակներ, որոնցից շատերը հերթագրվել են միանգամից մի քանի նախադպրոցական հաստատություններ։

Քաղաքապետարանը սկզբից կոչ է արել քաղաքացիներին չավելացնել արհեստական հերթերը և գրանցել երեխային միայն մեկ մանկապարտեզում, սակայն կոչն անհրաժեշտ ազդեցություն չի ունեցել, և քաղաքապետարանը գնացել է այլ ճանապարհով` մշակելով էլեկտրոնային համակարգ։

Ընդգծելով համակարգի ներմուծման համակարգի հատուկ կարևությունը` Երևանի քաղաքապետ Տարոն Մարկարյանը հանձնարարել է պատասխանատու անձանց մանրամասն ուսումնասիրել նրա աշխատանքը և համապատասխան միջոցներ ընդունել` քաղաքացիների համար նրա հասանելիությունն ապահովելու համար։

Նա նշեց, որ քաղաքապետարանի հաշվարկներով ամեն տարի նախադպրողական հաստատություններն ավարտում են շուրջ 9,5 հազար երեխա։

«Ներկայացված թվերը (հերթագրված երեխաների մասին) չափազանցված են, իսկ այդ համակարգը ներմուծելու արդյունքում մեզ մոտ հնարավորություն է հայտնվել լիարժեք պատկերացում կազմել այն երեխաների թվի մասին, որոնք պետք է այցելեն մանկապարտեզ։ Համապատասխանաբար, հերթի մեջ է 3 տարեկանից բարձր 2,5 հազար երեխա, հետևաբար, մենք պետք է ապահովենք լրացուցիչ 2000-2500 տեղ»,– ասաց Մարգարյանը։

Քաղաքապետը նշեց, որ համակարգի ներմուծումն իրականում բացահայտել է թվերի չափազանցման պատճառները, քանի որ հաճախ հերթագրված երեխաների շարքում եղել են նաև մինչև 1 տարեկան նորածիններ։

«Պետք է որոշել անհրաժեշտ տեղերի խնդիրը և բացատրել ծնողներին, որ երբ երեխան հասնում է նախադպրոցական տարիքի, նրա համար արդեն կստեղծվեն անհրաժեշտ բոլոր պայմանները և նման խնդիրներ չեն ծագի։ Ծրագրի կատարելագործման հարցում պետք է ավելի հետևողական լինել, վերացնել թերությունները, որպեսզի շուտով համակարգտ մատչելի լինի նաև մեր քաղաքացիների համար»,– ընդգծեց Մարգարյանը։