ԵՐԵՎԱՆ, 6 հոկտեմբերի – Sputnik. Պետդումայի խոսնակ Սերգեյ Նարիշկինը կարծում է, որ Չինաստանի հետ ԵՏՄ–ի հաջող համագործակցության դեպքում «Մեծ Եվրասիա» ստեղծելու նախադրյալներ կհայտնվեն։
ԵՏՄ–ն միջազգային ինտեգրացիոն տնտեսական միավորում է, որը ստեղծվել է Մաքսային միության և Միասնական տնտեսական տարածքի հիման վրա և գործում է ընթացիկ տարվա հունվարի 1-ից։ ԵՏՄ անդամներ են Ռուսաստանը, Հայաստանը, Բելառուսը, Ղազախստանը և Ղրղըզստանը։
«ԵՏՄ–ի` Չինաստանի հետ միասնական տնտեսական տարածքի ձևավորումը ավելի ակտուալ և ռեալ է դարձնում Լիսաբոնից մինչև Վլադիվոստոկ համաեվրոպական տարածքի ստեղծումը», – Աստանայում անցկացվող «Եվրասիական տնտեսական հեռանկար» ֆորումին ասել է Նարիշկինը։
«Եվրասիա–չինական նախագծի մեծ հաջողության դեպքում զգալի կմեծանա նաև Եվրոպական միության հետաքրքրությունը ինտեգրմանը մեր երկրների հետ, քանի որ Լիսաբոնից մինչև Վլադիվոստոկ արևմուտքից արևելք և Մուրմանսկից մինչև Անկարա, Դելի և Շանհայ «Մեծ Եվրասիա» ստեղծելու նախադրյալներ կհայտնվեն` շահագրգիռ Հարավարևելյան և Հարավային Ասիայի երկրներն այդ ինտեգրման գործընթացին մասնակից դարձնելու հեռանկարով», – ընդգծել է նա։
Նարիշկին. ՉԺՀ հետ ԵՏՄ–ի աշխատանքի հաջողությունը կօգնի «Մեծ Եվրասիա» ստեղծել
12:44 06.10.2015 (Թարմացված է: 17:50 12.10.2015)
© Sputnik / Владимир Федоренко
/ Բաժանորդագրվել
ՌԴ Պետդումայի խոսնակ Սերգեյ Նարիշկինը նշել է, որ Չինաստանի հետ ԵՏՄ–ի միասնական տնտեսական տարածքի ձևավորումը էլ ավելի ակտուալ և ռեալ է դարձնում Լիսաբոնից մինչև Վլադիվոստոկ համաեվրոպական տարածքի գաղափարը
