Մենք ամերիկացիների հետ կապ ենք հաստատել. Լավրովը Սիրիայում ՌԴ օպերացիայի մասին

ՌԴ ԱԳՆ ղեկավար Սերգեյ Լավրովն իր լաոսցի գործընկեր Թհոնգլուն Սիսուլիտի հետ բանակցությունների արդյունքում հայտնել է, որ ռուս զինվորականները կապ են պահում ամերիկացիների հետ, և Մոսկվան չի լսել ԱՄՆ–ի` Սիրիայում ռազմատիեզերական ուժերի աշխատանքին դիմակայելու ծրագրերի մասին։

«Ես չեմ լսել Սիրիայում մեր աշխատանքին դիմակայելու ԱՄՆ–ի կամ ինչ–որ մեկի ծրագրերի մասին։ Մենք այդ հարցով ամերիկացիների հետ կապեր ունենք։ Այդ կապերն իրականացվել են նաև «նախագահներ Պուտինի և Օբամայի, և պաշտպանության նախարարների մակարդակով` եղել է հատուկ հեռախոսազրույց, նաև արտաքին քաղաքական գերատեսչությունների գծով»»,– նշել է Լավրովը։

Նա ավելացրել է նաև, որ կայացել է հատուկ տեսակոնֆերանս Պենտագոնի համապատասխան կառույցների և ռուսական պաշտպանության նախարարության ներկայացուցիչների միջև։
 
Սեպտեմբերի 30–ից Ռուսաստանը, նախագահ Բաշար Ասադի խնդրանքով, սկսել է թիրախային հարվածներ հարվածներ հասցնել Սիրիայում «Իսլամական պետության» օբյեկտների ուղղությամբ` օգտագործելով Սու-25 գրոհային ինքնաթիռներ, Սու-24Մ և Սու-34 ճակատային ռմբակոծիչներ։ Պաշտպանության նախարարության տվյալներով` ռուսական ավիացիան արդեն զգալիորեն խախտել է գրոհայինների նյութատեխնիկական ապահովման և կառավարման համակարգը, ինչպես նաև վնաս է հասցրել մահապարտ ահաբեկիչների ենթակառուցվածքին։

Նպատակներն ընտրվում են Ռուսաստանի և Սիրիայի հետախուզական տվյալների հիման վրա` ներառյալ օդային հետախուզությունը։ Ռուսական ռազմական գերատեսչության հայտարարությամբ` ռուսական ինքնաթիռների սարքավորումը թույլ է տալիս հարվածներ հասցնել Սիրիայի ամբողջ տարածքում ԻՊ–ի ուղղությամբ բացարձակ ճշգրտությամբ։