ԵՐԵՎԱՆ, 5 հոկտեմբերի – Sputnik. Ահաբեկիչների թաքնված բազա է ոչնչացվել սիրիական Իդլիբ քաղաքի Ջաբել Կոբա շրջանում ռուսական Су-25 գրոհային ինքնաթիռների ավիահարվածների հետևանքով, երկուշաբթի լրագրողներին ասել է Ռուսաստանի պաշտպանության նախարարության պաշտոնական ներկայացուցիչ գեներալ մայոր Իգոր Կոնաշենկովը։
Ըստ նրա` ոչնչացվել են նաև հրետանային երեք զինատեսակներ և զենքով դաշտային պահեստ։
Բացի այդ, Իդլիբի անտառում գտնվել է ահաբեկչական թաքնված բազա, որում եղել է մոտ 30 միավոր ավտոմոբիլային և զրահատեխնիկա, այդ թվում` ավելի վաղ սիրիական բանակից զավթած Т-55 տանկեր։ Օբյեկտի վեց ավիահարվածներից հետո տեխնիկան ամբողջովին ոչնչացվել է։
Նա հայտնեց նաև, որ գիշերը Су-24М ռմբակոծիչների օդային հետախուզության անցկացումից հետո ավիահարված է հասցվել Իդլիբ քաղաքի գրոհայինների ռեակտիվ հրետանու կրակային դիրքի ուղղությամբ։
«Օբյեկտիվ վերահսկողության տվյալներով հաստատվել է տեխնիկայի բռնկում և օբյեկտի զինամթերքի դետոնացիա»,– նշել է նա։
Ռուսական ավիացիան ահաբեկչական բազա է ոչնչացրել սիրիական Իդլիբում
18:22 05.10.2015 (Թարմացված է: 17:49 12.10.2015)
© Sputnik / Дмитрий Виноградов
/ Բաժանորդագրվել
Ավիահարվածների հետևանքով ոչնչացվել է մոտ 30 միավոր զրահատեխնիկա և ավտոմեքենա, այդ թվում` Т-55 տանկեր, հայտնում է ՌԴ պաշտպանության նախարարությունը։ Ընդամենը Սիրիայի ռուսական ավիացիան մեկ օրում կատարել է 25 թռիչք
