ԵՐԵՎԱՆ, 5 հոկտեմբերի– Sputnik. Սիրիական ճգնաժամի վրա Պուտին-Օբամա հանդիպման ազդեցության մասին վաղ է ենթադրություններ անել, քանի որ հայտնի չեն հանդիպման մանրամասները: Պարզ է, որ նախագահների հանդիպումից հետո ակտիվացան Ռուսաստանի գործողությունները Սիրիայում: «Sputnik-Արմենիա» ռադիոկայանին ասել է արաբագետ Արմեն Պետրոսյանը՝ հավելելով, որ Ռուսաստանն ակտիվորեն ներգրավվել է հակամարտությանը և շարունակելու է գործողությունները:
«Արձագանքները հասկանալու համար, պետք է հասկանալ դրանց թիրախները:Առաջին հերթին պետք է առանձնացնել նպատակները՝ Բաշար Ասադի թույլ կողմերն ուժեղացնելու գործողությունները: Այդ դիրքերը թույլ են երկրի հյուսիսում, հարավում, մայրաքաղաքում: Կա երկու թիրախ՝ «Իսլամական պետություն» և այն ուժերը, որոնք գործում են Թուրքիայի ազդեցության ներքո»,-ասել է նա:
Արաբագետն ընդգծում է, որ ռուսական օդուժի գործողություններից պարզ է, թե ինչպիսի արձագանքներ են ունենալու: Այսինքն, եթե հարվածում են «Իսլամական պետության» դիրքերին, ապա փոխում են ԱՄՆ-ի գծած շրջանակները: «Հյուսիսային, հարավային հատվածներում վարչական ուժերը պայքարում են իսլամական ծայրահեղական կառույցների դեմ, որոնք հովանավորվում են Թուրքիայի կողմից: Նման գործողությունները դժգոհություն են առաջացնում Թուրքիայում»,-պարզաբանել է բանախոսը:
Արևմուտքի փոխզիջումը սիրիական հակամարտության ներկա իրավիճակում բացատրվում է նրանով, որ պետք է ստեղծվի անցումային կառավարություն, այնուհետեւ Սիրիայի ապագան լինի առանց Բաշար Ասադի: «Հետագայում կարևոր է առկա համակարգի պահպանությունը, որը Իրանի ու Ռուսաստանի հիմնական պահանջն է: Եթե ընդհանուր համաձայնություն է ձեռք բերվել, ապա Ասադի դերակատարությունը կարող է բացառվել: Կարևորը ոչ թե անձի, այլ համակարգի պահպանությունն է»,-նշել է Արմեն Պետրոսյանը:
Արաբագետ. Ռուսաստանի պահանջը Սիրիայում համակարգի պահպանումն է
17:28 05.10.2015 (Թարմացված է: 17:49 12.10.2015)
© Sputnik / Stringer
/ Բաժանորդագրվել
Արաբագետն ընդգծում է, որ ռուսական օդուժի գործողություններից պարզ է, թե ինչպիսի արձագանքներ են ունենալու
