ԵՐԵՎԱՆ, 5 հոկտեմբերի – Sputnik. Շախմատի միջազգային ֆեդերացիայի (FIDE) նախագահ Կիրսան Իլյումժինովը հուսով է, որ Հայաստանի շախմատիստները կմասնակցեն Համաշխարհային օլիմպիադային, որը տեղի է ունենալու Ադրբեջանի մայրաքաղաքում 2016 թվականին։
Նա բարձր է գնահատել հայ շախմատիստների մասնակցությունը Բաքվում անցկացված շախմատի գավաթին սեպտեմբերի 11-ից հոկտեմբերի 5-ը։ «Ես մի քանի անգամ հանդիպել եմ Հայաստանի նախագահ Սերժ Սարգսյանին հետ, ով նաև նույնպես Հայաստանի ազգային շախմատի ֆեդերացիայի նախագահն է։ Եվ ես կցանկանայի նրան շնորհակալություն հայտնել իր դիրքորոշման համար. նա նպաստել է, որ Հայաստանից չորս շախմատիստներ և հայկական ծագումով երկու շախմատիստներ այլ երկրներից մասնակցել են Աշխարհի գավաթին Ադրբեջանում», – ասել է Ռ–սպորտ գործակալությանը հեռախոսազրույցի ժամանակ Իլյումժինովը։
Նա նշել է, որ առաջնության բացման ժամանակ խոսել է նաև Լևոն Արոնյանի և Հայաստանից ժամանած մյուս շախմատիստների հետ։ «Եվ կարծում եմ, որ Հայաստանի հավաքականը մյուս տարի կմասնակցի Բաքվում կայանալիք Համաշխարհային օլիմպիադային և արժանի մասնակցություն կունենա», – ասել է FIDE–ի ղեկավարը։
Բացի Հայաստանի ներկայացուցիչներից, Ադրբեջանում խաղացին նաև շախմատիստներ ԱՄՆ–ից Վարուժան Հակոբյանն ու Սամուել Սևյանը։
Շախմատի համաշխարհային օլիմպիադան կանցկացվի Բաքվում 2016 թվականի սեպտեմբերի 17-30-ը։
FIDE–ի ղեկավարը հուսով է, որ հայ շախմատիստները կմասնակցեն Բաքվում կայանալիք Օլիմպիադային
17:17 05.10.2015 (Թարմացված է: 17:49 12.10.2015)
© Chessdom
Բաժանորդագրվել
Իլյումժինովը շնորհակալություն է հայտնել Հայաստանի նախագահ Սերժ Սարգսյանին, ով նպաստել է հայ շախմատիստների մասնակցությանը Բաքվի աշխարհի գավաթում
