«Տրանսաերո» ընկերությունը շարունակում է իրականացնել բոլոր չվերթերը

ԵՐԵՎԱՆ, 5 հոկտեմբերի– Sputnik. «Տրանսաերո» ընկերությունը նախկինի նման իրականացնում է բոլոր չվերթերը, Sputnik Արմենիա պորտալին հայտարարել է ընկերության մոսկովյան գրասենյակի ներկայացուցիչը։

«Տվյալ պահին «Տրանսաերո» ընկերությունը» չվերթեր է կատարում»,– ասել է պորտալի զրուցակիցը։

Ավելի վաղ «Աերոֆլոտը» հաղորդագրություն էր տարածել և նշել, որ «Տրանսաերոյի» տոմսերով ուղևորները հոկտեմբերի 3–ին, 4–ին, 5–ին կտեղափոխվեն «Տրանսաերո» ավիաընկերության չվերթերով, իսկ հետագա օրերին որոշ երթուղիներում ավիափոխադրողի փոփոխություն կլինի։

«Տրանսաերո» ռուսական մասնավոր ավիաընկերությունն ի վիճակի չի եղել սպասարկել պարտքերը, որոնք լիզնիգային պարտավորությունների հետ միասին կազմել են շուրջ 250 մլրդ ռուբլի։

Սեպտեմբերին կառավարության հաստատած պլանը` «Տրանսաերոյի» բաժնետոմսերի 75 տոկոսը պետական «Աերոֆլոտին» հանձնելու մասին հետագա բարելավման համար, ձախողվել է։ Վարկատուները դիտարկում են ընկերության սնանկության տարբերակը։ Ալֆա–բանկը և Սբերբանկն արդեն հայտարարել են, որ դատարան դիմելու մտադրություն ունեն։