ԵՐԵՎԱՆ, 5 հոկտեմբերի– Sputnik. Ամերիկյան քաղաքներից մեկում երկու հարևան երեխաների վեճն ավարտվել է ողբերգությամբ. 11–ամյա դպրոցականը հոր 12 տրամաչափի հրացանից կրակել է հարևանի 8–ամյա աղջկա վրա, հաղորդում է WBIR հեռուստաալիքը։
Ուայթ Փայն շրջանի բնակիչները լսել են կրակոցի ձայնը և ոստիկանություն կանչել։ Դեպքի վայր ժամանած իրավապահ մարմինների աշխատակիցները աղջկան գտել են գետնին ընկած` կրծքի շրջանում հրազենային վնասվածքով։ Նա տեղափոխվել է հիվանդանոց, բժիշկները փաստել են նրա մահը։
Ոստիկանության շերիֆ Բադ ՄակԿուագը հաղորդել է, որ ամերիկյան դպրոցներից մեկի հինգերորդ դասարանի աշակերտը կրակել և սպանել է աղջկան 12 տրամաչափի հրացանով։ Տղայի դրդապատճառների վերաբերյալ նա մանրամասներ չի հաղորդել, սակայն հարևանները պատմել են, որ երկու երեխաները կռվել են շան ձագի պատճառով։
Անչափահասների հարցերը քննող առաջին ատյանի դատարանը տղային ծանր հանցագործության մեղադրանք է ներկայացրել։ Ներկա պահին փորձում են պարզել` արդյո՞ք տղան տառապում է հոգեկան հիվանդությամբ, թե ոչ։
Ամերիկացի դեռահասը շան ձագի պատճառով սպանել է ութամյա աղջկան
09:57 05.10.2015 (Թարմացված է: 17:49 12.10.2015)
© Sputnik / Сергей Венявский
/ Բաժանորդագրվել
11–ամյա տղան հարևանի 8–ամյա աղջկան սպանել է հոր 12 տրամաչափի հրացանով։ Հարևանների խոսքով` երեխաները վիճել են շան ձագի պատճառով։ Դպրոցականը կալանավորված է
