ԵՐԵՎԱՆ, 4 հոկտեմբերի — Sputnik. Պրոֆեսիոնալ բռնցքամարտի կանանց թեթևագույն քաշային կարգում WBA վարկածով աշխարհի չեմպիոն Սյուզի Կենտիկյանը հերթական անգամ պաշտպանել է տիտղոսը:
Գերմանիայի Համբուրգ քաղաքում հոկտեմբերի 4-ին 10 ռաունդանոց մենամարտ է անցկացվել: Գերմանիան ներկայացնող 28-ամյա բռնցքամարտիկը մրցավարների միաձայն որոշմամբ հաղթել է մեքսիկուհի Սուսաննա Կրուզ Պերեսին: Սա մեքսիկուհու 7-րդ պարտությունն էր պրոֆեսիոնալ ռինգում, իսկ Կենտիկյանի՝ 37-րդ հաղթանակը:
Նախորդ մենամարտը Սյուզի Կենտիկյանը անցկացրել էր 2014-ի նոյեմբերի 8-ին Գերմանիայում, որտեղ միավորներով հաղթել էր ճապոնուհի Նաոկո Ֆուդզիոկային: Հայ բռնցքամարտիկը հայտարարել էր, որ հաղթանակը նվիրում է Հայոց ցեղասպանության 100-րդ տարելիցին և զոհերի հիշատակին:
Սյուզի Կենտիկյանը պաշտպանեց աշխարհի չեմպիոնի տիտղոսը
14:38 04.10.2015 (Թարմացված է: 17:49 12.10.2015)
© Jorjan
Բաժանորդագրվել
Նա հաղթել է մեքսիկուհի Սուսաննա Կրուզ Պերեսին
