ԵՐԵՎԱՆ, 3 հոկտեմբերի – Sputnik. Երևանի քաղաքապետարանը հայտնում է, որ Երևանյան կիսամարաթոնի անցկացմամբ պայմանավորված՝ հոկտեմբերի 4-ին մայրաքաղաքի մի շարք փողոցներ փակ կլինեն:
Ինչպես նշված է հաղորդագրության մեջ, «Էրեբունի-Երևան 2797» միջոցառման շրջանակում Երևանի քաղաքապետարանի և «Վերադարձ Հայաստան» հիմնադրամի հետ համատեղ կազմակերպված Երևանյան կիսամարաթոնի անցկացմամբ պայմանավորված՝ հոկտեմբերի 4-ին, առավոտյան ժամը 07:00-ից մինչև 13:30-ը մայրաքաղաքի որոշ հատվածներում ժամանակավորապես կդադարեցվի երթևեկությունը:
Տրանսպորտային միջոցների համար նշված ժամանակահատվածում փակ կլինեն, մասնավորապես, Հանրապետության, Ստ. Շահումյանի անվ. հրապարակները, Վազգեն Սարգսյան, Նալբանդյան, Վարդանանց, Ալեք Մանուկյան, Իսահակյան, Մոսկովյան, Սարյան, Լեոյի փողոցները: Երթևեկության համար նշված ժամանակահատվածում փակ կլինի նաև Հրազդանի կիրճի մինչև Դավթաշենի կամուրջ ընկած հատվածը: Փակ կլինեն նաև Հաղթանակի կամուրջը, Արգիշտի, Բեյրութի փողոցները, Աբովյան փողոցից մինչև Պուշկինի փողոց, Սախարովի հրապարակից մինչև Նալբանդյան փողոց ընկած հատվածները:
«Պատճառած ժամանակավոր անհարմարության համար քաղաքապետարանը հայցում է ձեր ներողամտությունը»- նշված է հաղորդագրության մեջ:
Հոկտեմբերի 4-ին մայրաքաղաքի մի շարք փողոցներ փակ կլինեն
22:47 03.10.2015 (Թարմացված է: 17:48 12.10.2015)
© Sputnik / Владимир Федоренко
/ Բաժանորդագրվել
Մայրաքաղաքի որոշ հատվածներում ժամանակավորապես կդադարեցվի երթևեկությունը
