ԵՐԵՎԱՆ, 3 հոկտեմբերի — Sputnik. ՀԱՊԿ հավաքական խաղաղարար ուժերը պետք է պատրաստ լինեն աշխարհի «թեժ կետերում» խաղաղարար հնարավոր գործողությունների, շաբաթ օրը Հայաստանի «Մարշալ Բաղրամյան» զորավարժարանում ասել է ՀԱՊԿ գլխավոր քարտուղար Նիկոլայ Բորդյուժան: Այստեղ սեպտեմբերի 30-ից անցկացվում են «Անքակտելի եղբայրություն 2015» զորավարժությունները:
«Դրությունն այժմ սրվել է բոլոր ուղղություններով: Եվ այսօր աշխարհում գոյություն ունեցող բազմաթիվ «թեժ կետերի» իրավիճակից երևում է, որ Խաղաղապահ ուժերի կիրառումն անհրաժեշտ է դարձել»: Այդ պատճառով զորավարժությունների ընթացքում ՀԱՊԿ խաղաղապահ հավաքական ուժերի մարտական գործնական խնդիրների մշակումը օգնում է հնարավոր գործողությունների պատրաստությանը: Չեմ կարծում, թե դրանք կլինեն առաջիկայում, բայց ամեն դեպքում ՀԱՊԿ-ում պետք է պատրաստ լինեն Խաղաղապահ ուժերի կիրառմանը»,- ՀԱՊԿ գերագույն քարտուղարի խոսքն է մեջբերում «Անքակտելի եղբայրություն 2015» զորավարժության միավորված մամուլի կենտրոնը:
Գործնական գործողությունների ընթացքում ՀԱՊԿ ՀԽՈՒ ստորաբաժանումները մշակում են Կովկասյան տարածաշրջանում խաղաղության պահպանման գործողությունների անցկացումը:
Զորավարժությունների հիմնական նպատակները ՀԱՊԿ անդամ պետությունների խաղաղապահ համակազմերի միջև փոխըբռնման և գործակցության ամրապնդումն է, հրամանատարների և շտաբների` խաղաղապահ խնդիրների կատարման ընթացքում ՀԱՊԿ ՀԽՈՒ մասերի խաղաղապահ գործողության և մասերի կառավարման գործնական կարողության և հմտության բարձրացումը, հակամարտության դադարեցման և տեղայնացման խնդիրների լուծման համատեղ ջանքերի կարևորության միասնական ըմբռնման մշակումը:
Հատուկ ուշադրություն է դարձվում խաղաղապահ համակազմերի մարտական կարգավորվածության կատարելագործմանը խաղաղապահ գործողության ժամանակ տարբեր խնդիրների շուրջ ակտիվ գործողոթւյուններ կատարելու համար:
Մասնավորապես, անցկացվում են հակամարտող կողմերի տարանջատման գործնական խնդիրներ, բուֆերային գոտու ստեղծման, հումանիտար բեռների ուղեկցման, անօրինական զինված միավորումների նախապատրաստման ճամբարի արգելափակման և ոչնչացման ուղղությամբ:
«Անքակտելի եղբայրություն 2015» զորավարժությունների նախորդ փուլերում մշակվել են ՀԱՊԿ ՀԽՈՒ ձևավորման հարցեր խաղաղության պահպանման գործողության անցկացման շրջանում: Հավաքական խաղաղապահ ուժերի հրամանատարին ՀԱՊԿ հավաքական անվտանգության խորհրդի որոշումը և խաղաղության պահպանման գործողության անցկացման մանդատը հանձնելուց հետո պրակտիկ գործողությունների ղեկավարումն անցել է ՀԽՈՒ միավորված հրամանատարությանը:
ՀԱՊԿ «Անքակտելի եղբայրություն 2015» զորավարժությունների ընթացքում մշակվել են նաև մեծ հեռավորություններում միավորված կերպով խաղաղապահ համակազմեր ուղղելու հարցեր: Մասնավորապես, Ռուսաստանի Դաշնության համակազմի`15-րդ խաղաղապահ մոտոհրաձգային վաշտային բրիգադի 100-հոգանոց մարտավարական խումբը հաստիքային տեխնիկայով և զենքով (8ԶՀՄ-82А, 82 մմ տրամաչափի ականանետեր, դիպուկահար զենք) տեղափոխվել են Սամարայի մարզից Հայաստան: Փոխադրումն իրականացվել է ինչպես սեփական ուժերով, այնպես էլ Ռուսաստանի Օդատիեզերական ուժերի ռազմատրանսպորտային ավիացիայի Իլ-76 հինգ ինքնաթիռներով:
ՀԱՊԿ «Անքակտելի եղբայրություն 2015» զորավարժություններին մասնակցում են 600 զինծառայողներ և հատուկ ստորաբաժանումների մարտիկներ Հայաստանից, Բելառուսից, Ղազախստանից, Ղրղըզստանից, Ռուսաստանից և Տաջիկստանից, ինչպես մոտ 50 միավոր ռազմական և հատուկ տեխնիկա, չորս ուղղաթիռ և անօդաչու թռչող սարքեր տեղանքը հետախուզելու համար:
Բորդյուժա. ՀԱՊԿ խաղաղապահ ուժերը պետք է «թեժ կետերում» պատրաստ լինեն գործողությունների
21:07 03.10.2015 (Թարմացված է: 17:48 12.10.2015)
Բաժանորդագրվել
Դրությունն այժմ սրվել է բոլոր ուղղություններով: Եվ այսօր աշխարհում գոյություն ունեցող բազմաթիվ «թեժ կետերի» իրավիճակից երևում է, որ անհրաժեշտ է Խաղաղապահ ուժերի կիրառումը»:
