ԵՐԵՎԱՆ, 3 հոկտեմբերի – Sputnik. ՀՀ նախագահ Սերժ Սարգսյանն այցելել է «Երևան Էքսպո» ցուցահանդեսային համալիրում հոկտեմբերի 2-4-ը անցկացվող «ԴիջիԹեք էքսպո-2015» տեխնոլոգիական ցուցահանդես: Այս մասին հայտնում է ՀՀ նախագահի մամուլի ծառայությունը։
Հանրապետության նախագահը շրջել է ավանդական դարձած բարձր տեխնոլոգիաների ամենամյա ցուցահանդեսի տաղավարներով, որտեղ մասնակից շուրջ 170 ընկերություններ ներկայացրել են իրենց նորարարական առաջարկները՝ հեռահաղորդակցության և ցանցային, համապարփակ ինժեներական, տեխնոլոգիական, ծրագրային, վեբ և այլ լուծումներն ու ծառայությունները:
11-րդ անգամ անցկացվող ԴիջիԹեքն այս տարի կրում է «Տոն տեխնոլոգիական հայության համար» խորագիրը: Տեղական և միջազգային շուկայում հաջողություններ գրանցած հայկական ընկերություններից բացի ցուցահանդեսին մասնակցում են մի շարք ընկերություններ ԱՄՆ-ից, Չինաստանից, Թայվանից, Ռուսաստանից, Շվեդիայից, Ուկրաինայից, Բելառուսից, Վրաստանից և Իրանից:
Սերժ Սարգսյանը ծանոթացել է ցուցահանդեսին մասնակցող ընկերությունների ներկայացրած առաջարկներին, այդ ընկերությունների ներկայացուցիչների հետ զրուցել նրանց գործունեության և հետագա զարգացման ծրագրերի մասին:
ՀՀ նախագահն այցելել է «ԴիջիԹեք էքսպո-2015» տեխնոլոգիական ցուցահանդես
15:23 03.10.2015 (Թարմացված է: 17:48 12.10.2015)
Բաժանորդագրվել
11-րդ անգամ անցկացվող ԴիջիԹեքն այս տարի կրում է «Տոն տեխնոլոգիական հայության համար» խորագիրը
