ԵՐԵՎԱՆ, 2 հոկտեմբերի – Sputnik. Business Insider ամերիկյան ռեսուրսը տեսանյութ է ներկայացրել, որն ակնհայտորեն ցույց է տալիս, թե ինչ կլինի Երկիր մոլորակի հետ, եթե այն հանկարծակի կտրուկ կանգ առնի։
Տեսանյութի համաձայն` եթե ժամում 1000 մղոն արագությամբ իր առանցքի շուրջ պտտվող մոլորակը կանգ առնի, նրա մակերեսից այն ամենն ինչ ամրացված չէ, նույն արագությամբ դեպի արևելք կթռչի։ Երկրի վրա ատոմային ռուբի պայթյունին հավասար հզորությամբ փոթորիկներ կսկսվեն։
Բացի այդ, հսկա ցունամիներ կառաջանան, որոնք մեկ րոպեից պակաս ժամանակում ջրասույզ կանեն ափերը 17 մղոն խորությամբ։
Մեկ օրը կտևի մեկ տարի, որի 6 ամիսն անտանելի շոգ կլինի, իսկ մյուս 6 ամիսն` անտանելի ցուրտ։
Երկրագնի կանգառի հետևանքով օվկիանոսները կտեղափոխվեն դեպի բևեռներ, իսկ կենտրոնում հսկա ցամաք կառաջանա։
Երկրի ձգողության դաշտը կվերանա, որից հետո այն տիեզերական ճառագայթման դեմ անպաշտպան կդառնա։ Արդյունքում` փրկվելու ոչ մի հնարավորություն չի մնա, և մարդկությունը կվերանա։
