ԵՐԵՎԱՆ, 2 հոկտեմբերի — Sputnik. Հայաստանում «Տրանսաերո» ավիաընկերության ներկայացուցչությունում խուսափում են թռիչքների չվացուցակում կատարվելիք փոփոխությունների մեկնաբանությունից։
Ավելի վաղ ահղորդվել էր, որ «Տրանսաերո» ավիաընկերությունը, որը ֆինանսական բարդ իրավիճակում էր, սկսել է աշխատանքը թռիչքների թարմացված չվացուցակի ուղղությամբ։ Առաջիկա օրերին ավիաընկերության չվերթերը կկատարվեն ներկայիս չվացուցակով։ Հետագա ժամանակահատվածում թռիչքների իրականացման մասին տեղեկությունը կհրապարակվի հոկտեմբերի 2–ին։
«Այդ տեղեկության համար պատասխանատու աշխատողը ներկայում տեղում չէ, նա կլինի մի քանի ժամից»,– Sputnik Արմենիայի թղթակցին հայտնել են ավիաընկերության ներկայացուցչությունից։
ՌԴ կառավարությունը սեպտեմբերին որոշել է փրկել պարտքերի պատճառով սնանկությանը մոտ ավիաընկերությունը` միավորելով և փոխանցելով բաժնետոմսերի 75 տոկոս գումարած մեկ բաժնետոմսն «Աերոֆլոտին»։ Սակայն փաթեթի միավորման ժամկետները չեղյալ համարվեցին։ ՌԴ առաջին փոխվարչապետ Իգոր Շուվալովը չորեքշաբթի հայտարարել է, որ ավիաընկերության գործողությունների ծրագիրը կփոխվի, և չի բացառել սնանկացումը։
ՌԴ տրանսպորտի նախարար Մաքսիմ Սոկոլովը հինգշաբթի հայտարարել է, որ «Տրանսաերոյի» ուղևորների առջև ունեցած բոլոր պարտավորությունները կկատարվեն, ուղևորների փոխադրումն անհատույց կստանձնեն ռուսական այլ ավիափոխադրողներ։
ՌԴ էկոնոմիկայի և զարգացման նախարար Ալեքսեյ Ուլյուկաևը կարծում է, որ ֆինանսական բարդ իրավիճակում գտնվող «Տրանսաերոյի» սնանկացումը հնարավոր միակ տարբերակն է։
«Տրանսաերո» ավիաընկերությունը Ռուսաստանի երկրորդ խոշորագույն ավիաընկերությունն է և երկրի պատմության մեջ առաջին մասնավոր ավիափոխադրողը։ Ավիաընկերությունը գրանցվել է 1990 թվականի սեպտեմբերի 30–ին որպես բաժնետիրական ընկերություն։
ՌԴ տրանսպորտի նախարար Մաքսիմ Սոկոլովը հինգշաբթի հայտարարել է, որ «Տրանսաերոյի» ուղևորների առջև ունեցած բոլոր պարտավորությունները կկատարվեն, ուղևորների փոխադրումն անհատույց կստանձնեն ռուսական այլ ավիափոխադրողներ։
ՌԴ էկոնոմիկայի և զարգացման նախարար Ալեքսեյ Ուլյուկաևը կարծում է, որ ֆինանսական բարդ իրավիճակում գտնվող «Տրանսաերոյի» սնանկացումը հնարավոր միակ տարբերակն է։
«Տրանսաերո» ավիաընկերությունը Ռուսաստանի երկրորդ խոշորագույն ավիաընկերությունն է և երկրի պատմության մեջ առաջին մասնավոր ավիափոխադրողը։ Ավիաընկերությունը գրանցվել է 1990 թվականի սեպտեմբերի 30–ին որպես բաժնետիրական ընկերություն։
