ԵՐԵՎԱՆ, 1 հոկտեմբերի – Sputnik. Լոս Անջելեսում 89 տարեկան հասակում մահացել է ռեժիսոր Ջոն Գիլերմինը, ով ֆանտաստիկ ֆիլմ էր նկարահանել հսկա Քինգ Քոնգ գորիլայի մասին։
Ռեժիսորը մահացել է կիրակի, տխուր լուրը հաստատել է նրա կինը` Մերին, ասվում է Variety տեղեկատվական հրատարակության հաղորդագրության մեջ։ «Նա զգացմունքային էր, կրքոտ և կյանքով լի», – նշել է հանգուցյալի կինը։
Գիլերմինը ծնվել է 1925 թվականին Լոնդոնում։ Նա իր կարիերան սկսել է Հոլիվուդում անցած դարի 50-ականներին։ Նա նկարահանել է ավելի քան 20 կինաժապավեններ։
Ռեժիսորը համաշխարհային ճանաչում է ձեռք բերել երեք «Օսկարի» մրցանակի արժանացած «Դժոխք երկնաբարձունքում» ֆիլմ–աղետի շնորհիվ։ Նա նաև հայտնի է Ագաթա Քրիստիի «Մահ Նիլի վրա» վեպի էկրանավորումով և «Քինգ Քոնգ» (1976) և «Քինգ Քոնգը կենդանի է» (1986) ֆիլմերի վրա իր աշխատանքով։
Քինգ Քոնգի մասին ֆիլմի ռեժիսորը մահացել է կյանքի 90-րդ տարում
16:20 01.10.2015 (Թարմացված է: 17:47 12.10.2015)
Բաժանորդագրվել
Լոս Անջելեսում մահացած ռեժիսորը համաշխարհային ճանաչում է ձեռք բերել «Դժոխքը երկնաբարձունքում» աղետ–ֆիլմը, որն արժանացել է «Օսկարի» երեք մրցանակի
