ԵՐԵՎԱՆ, 1 հոկտեմբերի – Sputnik. Ռուսաստանը Սիրիայում ռազմական ավիացիան գործի դնելով կոնկրետ լուծում կտա այդ երկրում «Իսլամական պետություն» ահաբեկչական խմբավորման գրոհայիններին, Sputnik Արմենիա պորտալին ասաց տեղեկատվական անվտանգության փորձագետ Տիգրան Քոչարյանը։
Ռուսական օդատիեզերական ուժերի ինքնաթիռները նախօրեին անցել են օդային գործողությունների իրականացմանը Սիրիայում` թիրախային հարվածներ են հասցնելով ԻԼԻՊ ահաբեկչական խմբավորումների ութ օբյեկտների ուղղությամբ։
Քոչարյանի խոսքերով` երկար տարիների ընթացքում բոլորը պնդում էին, որ ԻԼԻՊ–ը տիեզերական չարիք է, այդ կազմակերպությունը համաշխարհային ահաբեկության օջախն է և այդ իսկ պատճառով ցանկացած երկիր, որը պայքարում է նրա ոչնչացման դեմ, համաշխարհային հանրության աչքերում պետք է հերոս դառնա։
«Շատ լավ է, որ Ռուսաստանը միացել է այդ գործընթացին և արդեն հստակ լուծում է ստանում այդ խնդիրը», – ասաց Քոչարյանը։ Փորձագետն ընդգծել է, որ Ռուսաստանը Սիրիայում ռազմաօդային գործողություն է իրականացնում միջազգային իրավունքի նորմերին համապատասխան և Սիրիայի ղեկավարության խնդրանքով։
Քոչարյանն ավելացրեց, որ Ռուսաստանը ԻԼԻՊ–ի ոչնչացման ուղղությամբ ռազմական գործողություններն իրականացնում է Սիրիայի ղեկավարության խնդրանքով։ «Ես չեմ կարծում, որ աշխարհում գոնե մեկ գիտակից մարդ կարող է հանդես գալ սրա դեմ», – ամփոփեց փորձագետը։
Սիրիայում 2011 թվականի մարտից շարունակվում է զինված հակամարտությունը, որի հետևանքով, ՄԱԿ–ի տվյալների համաձայն, զոհվել է ավելի քան 220 հազար մարդ։ Կառավարական զորքերին դիմակայում են գրոհայինների ջոկատներ, որոնք պատկանում են, տարբեր զինված խմբավորումների։ Առավել ակտիվ են «Իսլամական պետություն» և «Ջեբհաթ ան Նուսրա» ծայրահեղական խմբավորումների գրոհայինները։
ԻՊ–ի հետ պայքարի միասնական ճակատ չկա. Խմբավորման հետ պայքարում են Սիրիայի և Իրաքի կառավարական զորքերը, միջազգային կոալիցիան ԱՄՆ–ի գլխավորությամբ (դեռ սահմանափակվում են օդային հարվածներով), ինչպես նաև քրդերն ու Լիբանանի ր Իրաքի շիադավան աշխարհազորայինները։ Ռազմական գործողությունների հետևանքով զոհվել են հարյուր հազարավոր խաղաղ բնակիչներ և մի քանի միլիոն մարդ փախստական է դարձել։
Փորձագետ. Ռուսաստանը կլուծի Սիրիայում ԻՊ ահաբեկիչների հետ կապված խնդիրները
15:23 01.10.2015 (Թարմացված է: 17:47 12.10.2015)
© Министерство обороны РФ
/ Բաժանորդագրվել
Ինչպես նշեց տեղեկատվական անվտանգության փորձագետ Տիգրան Քոչարյանը, Ռուսաստանը ԻԼԻՊ–ն արմատախիլ անելու ուղղությամբ ռազմական գործողություններ է իրականացնում Սիրիայի իշխանության խնդրանքով։
