ԵՐԵՎԱՆ, 1 հոկտեմբերի – Sputnik. Չեչնիայի ղեկավար Ռամզան Կադիրովը ճիշտ է համարում Սիրիայում ՌԴ ԶՈՒ–ի օգտագործումը ահաբեկիչների հետ պայքարում ՌԴ նախագահ Վլադիմիր Պուտինի որոշումը։
«Ես համոզված եմ, որ այդ չարիքը («Իսլամական պետություն» – խմբ.) պետք է ոչնչացվի հենց իր իսկ բնում։ Մենք չենք կարող սպասել, երբ նրանք արդեն մեր քաղաքներ ու գյուղեր կմտնեն», – ընդգծել է Կադիրովը։.
Նա նշել է նաև, որ Ռուսաստանի գործողությունները համապատասխանում են միջազգային իրավունքի նորմերին։
«Սիրիայի նախագահը աջակցություն է խնդրել։ Մենք դրական որոշում ենք կայացրել։ Ամերիկան, Ավստրալիան, Ֆրանսիան և մյուսներն իրենց ավազակների պես են պահում։ Սիրիայում անհրաժեշտ կլինեն նաև խորհրդատուներ։ Եթե ՌԴ ԶՈՒ Գերագույն գլխավոր հրամանատար Վլադիմիր Պուտինը հրաման տա, մենք պատրաստ ենք հենց վաղը համաշխարհային մակարդակի մասնագետներ ուղարկել, որոնց հավասարն Արևմուտքում չկա», – նշել է Կադիրովը։
Ամերիկան և նրա գործընկերները, վստահեցնում է նա, կրակ են վառում, փոխանակ հրդեհի օջախը մարեն։
«Իսկ այդ օջախը մեր կողքին է։ Այդ իսկ պատճառով Ռուսաստանն այլևս սպասել չէր կարող», – կարծում է Չեչնիայի ղեկավարը։
Չորեքշաբթի Սիրիայի բանակը ռազմական գործողություններ է իրականացրել Հոմս քաղաքի հյուսիսային հատվածում և ոչնչացրել է Սիրիայի Հյուսիս–Արևելքում գործող ահաբեկչական խմբավորումներից մեկի երեք դաշտային հրամանատարների։ Հոմս քաղաքն ահաբեկիչների կողմից ենթարկվել է քաոսային ականանետային գնդակոծումների։ Ականները մեծամասամբ բնակելի թաղամասերից դուրս էին ընկնում։
ՌԴ նախագահ Վլադիմիր Պուտինն ավելի վաղ դիմել էր Դաշնային խորհրդին արտասահմանում ռուսական ռազմական ուժերն օգտագործելու թույլտվություն ստանալու համար։ Դաշնային խորհուրդը հավանություն է տվել այդ որոշմանը։ ՌԴ ՊՆ–ն հայտնել է, որ ռուսական ՕՏՈՒ ինքնաթիռներն անցել են օդային գործողությունների կատարմանը կետային հարվածներ հասցնելով Սիրիայում «Իսլամական պետության» ահաբեկիչների ուղղությամբ։ Ռուսաստանը մտադիր է բացառապես ավիացիա օգտագործել, ԻՊ–ի ահաբեկիչների դեմ պայքար մղող Սիրիայի նախագահ Բաշար Ասադի խնդրանքին հետևելով, չորեքշաբթի հայտնել է Կրեմլի աշխատակազմի ղեկավար Սերգեյ Իվանովը։
Կադիրով. Ռուսաստանը չէր կարող հապաղել Սիրիայում ԻՊ–ի ոչնչացման հարցում
14:29 01.10.2015 (Թարմացված է: 17:47 12.10.2015)
© Sputnik / Александр Вильф
/ Բաժանորդագրվել
Չեչնյայի ղեկավար Ռամզան Կադիրովն ընդգծում է, որ Ռուսաստանի գործողությունները Սիրիայում համապատասխանում են Միջազգային իրավունքի նորմերին, այն դեպքում երբ ԱՄՆ–ն և նրա գործընկերները մեծ կրակ են վառում, հրդեհի օջախը մարելու փոխարեն
