ԵՐԵՎԱՆ, 1 հոկտեմբերի – Sputnik. Ամերիկյան Օկլահոմա նահանգի նահանգապետ Մերի Ֆելինը վերջին պահին որոշել է սպանության մեղադրանքով դատապարտված 52-ամյա Ռիչարդ Գլոսիփի մահապատիժը հետաձգել, հայտնում է skynews.com.au կայքը։
Ռիչարդ Գլոսիփը դատապարտվել էր 1997 թվականին՝ իր ղեկավարի սպանության համար։
Գլոսիփը, սակայն, հերքում է իր մեղքն ու պնդում, որ մարդասպանն իր գործընկերն է՝ Ջասթին Սնիդը, որն այժմ ցմահ ազատազրկման է դատապարտված։ Ըստ Սնիդի, Գլոսիփն իրեն վճարել է հանցագործությունը կատարելու համար։ Այդ ցուցմունքների դիմաց, փաստացի մարդասպանը խուսափել է մահապատժից և այժմ գտնվում է բանտում։
Գլոսիփի մահապատիժը հետաձգվել է 37 օրով և տեղափոխվել նոյեմբերի 6-ին։
Գլոսիփն արդեն երկրորդ անգամն է իր նախընտրած կերակուրը պատվիրում մահապատժից առաջ։ Նա կերել էր իր «վերջին» ճաշը՝ պիցցա և կարտոֆիլով ձուկ։ Սա նրա վերջին ցանկությունն էր։ Հենց այդ պահին էլ պարզվել է, որ մահապատժի իրագործումը հետաձգվում է։
Մահապատիժը վերջին պահին հետաձգվել է
12:11 01.10.2015 (Թարմացված է: 17:47 12.10.2015)
© Sputnik / Максим Богодвид
/ Բաժանորդագրվել
Մահապատժի դատապարտված տղամարդուն մեղադրանք է առաջադրվել 1997 թվականին՝ ղեկավարի սպանության համար
