ԵՐԵՎԱՆ, 30 սեպտեմբերի – Sputnik. Հայաստանը կարող է համարժեք պատասխան տալի Ղարաբաղում իրականացվող սադրանքներին, հայտարարել է ՀԱՊԿ–ի գլխավոր քարտուղարի տեղակալ Վալերի Սեմերիկովը։
«Որքան ես գիտեմ, ՀՀ զինված ուժերը, հատուկ ծառայությունները, գերատեսչություններն ու ազգային անվտանգության ողջ համակարգը կարող են համարժեք պատասխան տալ բոլոր այն սադրանքներին, որոնք իրականացվում են Լեռնային Ղարաբաղի տարածքում»,– «Անքակտելի եղբայրություն 2015 « զորավարժության ժամանակ ասաց Վալերի Սեմերիկովը։
Ըստ ՀԱՊԿ–ի գլխավոր քարտուղարի տեղակալի, ԱԱՀՈւ–ի կամ այլ միջոցների կիրառման հետ կապված ցանկացած գործողություն Հավաքական անվտանգության խորհրդի ձեռնահասության շրջանակում է գտնվում։
Ուրբաթ Ղարաբաղի ուժերի դիրքերի նկատմամբ իրականացված հրետանահրթիռային հարվածի հետևանքով զոհվել են ԼՂՀ ՊԲ չորս զինծառայողներ։ Դրա նախորդ օրը Հայաստանի հյուսիսում գտնվող բնակավայրերի ուղղությամբ Ադրբեջանի իրականացրած գնդակոծությունների հետևանքով զոհվել է երեք խաղաղ բնակիչ։ Գնդակոծությունների ժամանակ Ադրբեջանի ԶՈւ–ն օգտագործում է հրետանի, համազարկային կրակի ռեակտիվ համակարգեր, ականանետներ և նռնականետներ։ ԼՂՀ ՊՆ–ի հաղորդագրության համաձայն` ղարաբաղյան կողմի հատուցման ակցիայի հետևանքով Ադրբեջանի կողմից զոհվել է ավելի քան տասը մարդ, կան նաև վիրավորներ։
Հայաստանի ՊՆ «Բաղրամյան» զորավարժարանում մեկնարկել են ՀԱՊԿ–ի Հավաքական խաղաղապահ ուժերի (ՀԽՈՒ) «Անքակտելի եղբայրություն 2015» զորավարժությունները, որոնք կտևեն սեպտեմբերի 30-ից մինչև հոկտեմբերի 4-ը։
Զորավարժություններին մասնակցում են ՀԱՊԿ հավաքական խաղաղապահ ուժերի կազմում ընդգրկված երկրների`Հայաստանի, Բելառուսի, Ղազախստանի, Ղրղըզստանի, Ռուսաստանի և Տաջիկստանի զինված ուժերի, ոստիկանության ստորաբաժանումները և ներկայացուցիչները, Կարմիր խաչի միջազգային կոմիտեի, ինչպես նաև ՀԱՊԿ–ի Միացյալ շտաբի և ՀԱՊԿ–ի քարտուղարության ներկայացուցիչները։
Զորավարժության հիմնական նպատակներն են ամրապնդել փոխըմբռնումը և համագործակցությունը զորավարժություններում ներգրավված ՀԱՊԿ անդամ երկրների խաղաղապահ զորախմբերի միջև, խաղաղապահ գործողության նախապատրաստման փուլում և խաղաղապահ խնդիրների լուծման ընթացքում ՀԱՊԿ ՀԽՈՒ զորախմբերի (ստորաբաժանումների) կառավարման բոլոր մակարդակների հրամանատարների և շտաբերի գործնական հմտությունների բարելավումը, հակամարտության դադարեցման և մեկուսացման խնդիրների լուծման միասնական մտահղացման մշակումը։
Զորավարժության գործնական փուլում նախատեսվում է իրականացնել բանակցությունների վարման, մարդասիրական բեռների ուղեկցման, անցակետերում և դիտակետերում պարեկային հերթապահության ու ծառայության կազմակերպման, զինյալների ճամբարների մեկուսացման և չեզոքացման կարողություններ զարգացման խնդիրներ։
Սեմերիկով. Հայաստանը կարող է համարժեք պատասխան տալ Ղարաբաղում իրականացվող սադրանքներին
21:05 30.09.2015 (Թարմացված է: 17:47 12.10.2015)
© Sputnik / Samvel Sepetchyanзаместитель генерального секретаря ОДКБ Валерий Семериков
![заместитель генерального секретаря ОДКБ Валерий Семериков заместитель генерального секретаря ОДКБ Валерий Семериков - Sputnik Արմենիա](https://cdn.am.sputniknews.ru/img/1573/03/15730320_0:200:1050:791_600x0_80_0_0_f47008e33667b471aba1b4e6735eb74a.jpg)
© Sputnik / Samvel Sepetchyan
Բաժանորդագրվել
Ըստ ՀԱՊԿ–ի գլխավոր քարտուղարի տեղակալի, ԱԱՀՈւ–ի կամ այլ միջոցների կիրառման հետ կապված ցանկացած գործողություն Հավաքական անվտանգության խորհրդի ձեռնահասության շրջանակում է գտնվում