ԵՐԵՎԱՆ, 30 սեպտեմբերի– Sputnik. Սիրիան հուսով է, որ Ռուսաստանի ռազմաօդային ուժերն ավիահարվածներ կհասցնեն երկրի տարածքում գործող բոլոր ահաբեկչական խմբավորումների ուղղությամբ, Sputnik պորտալին ասել է ՌԴ–ում Սիրիայի դեսպան Ռիադ Հադդադը։
«Ռուսաստանի ռազմական ավիացիան գրոհներ կկազմակերպի Սիրիայի տարածքում գործող բոլոր ահաբեկչական խմբավորումների, այդ թվում` ԻՊ–ի և «Ջեբհաթ ան–Նուսրայի» նկատմամբ», – հայտարարել է Հադդադը։
Նա նշել է, որ զինվորական հրամանատարությունը կորոշի Սիրիայում ռուսական ավիացիայի շտաբի տեղը։
Չորեքշաբթի Ռուսաստանի դաշնային խորհուրդը միաձայն համաձայնություն է տվել Վլադիմիր Պուտինի` ռուսական ռազմական ավիացիան արտերկրում օգտագործելու առաջարկին։ Գործելով Սիրիայի նախագահ Բաշար Ասադի խնդրանքով` Ռուսաստանը մտադիր է կիրառել ավիացիան։ Այս մասին հայտարարել է Կրեմլի աշխատակցի ղեկավար Սերգեյ Իվանովը։
Սիրիայում 2011 թ.–ի մարտից շարունակվում է զինված հակամարտությունը, որի հետևանքով, ՄԱԿ–ի տվյալներով, զոհվել է ավելի քան 220 հազար մարդ։
Կառավարական զորքերը դիմակայում են տարբեր զինված միավորումների գրոհայինների ջոկատների։ Առավել ակտիվ են «Իսլամական պետություն» և «Ջեբհաթ ան–Նուսրա» ծայրահեղական խմբավորումների գրոհայինները։
Դեսպան. ՌԴ–ի ռազմական ավիացիան գրոհներ կկազմակերպի Սիրիայի բոլոր ահաբեկչական խմբավորումների ուղղությամբ
16:59 30.09.2015 (Թարմացված է: 17:47 12.10.2015)
![Ситуация в Сирии Ситуация в Сирии - Sputnik Արմենիա](https://cdn.am.sputniknews.ru/img/76/92/769299_0:160:3073:1888_600x0_80_0_0_bcae368b13ff69cd4f070630da1fda0d.jpg)
© Sputnik / Дмитрий Виноградов
/ Բաժանորդագրվել
ՌԴ–ի ռազմական ավիացիան գրոհներ կկազմակերպի Սիրիայի տարածքում գոյություն ունեցող բոլոր ահաբեկչական խմբավորումների ուղղությամբ, Sputnik պորտալին ասել է ՌԴ–ում Սիրիայի դեսպան Ռիադ Հադդադը