ԵՐԵՎԱՆ, 30 սեպտեմբերի– Sputnik. Հակամանրէային դեղերի նկատմամբ կայունության և հակամանրէային դեղերի պատշաճ օգտագործման վերաբերյալ առողջապահական ոլորտի մասնագետների իրազեկվածությունը բարձրացնելու նպատակով ազգային դասընթաց է անցկացվում Երևանում, հայտնում է առողջապահության նախախարության մամուլի ծառայությունը։
Հակամանրէային դեղերի նկատմամբ կայունության համաճարակաբանական հսկողության և հակամանրէային դեղերի նկատմամբ զգայունության որոշման վերաբերյալ դասընթացն անցկացվում է ոեպտեմբերի 29-ից հոկտեմբերի 1-ը ։
ՀՀ առողջապահության նախարարությունը և Առողջապահության համաշխարհային կազմակերպության նախաձեռնած դասընթացին մասնակցում են 8 միջազգային փորձագետ:
Դասընթացի նպատակն է բարձրացնել հակամանրէային դեղերի նկատմամբ կայունության և հակամանրէային դեղերի պատշաճ օգտագործման վերաբերյալ առողջապահական ոլորտի մասնագետների իրազեկվածությունը, ինչպես նաև ներկայացնել հակամանրէային դեղերի նկատմամբ զգայունության որոշման լաբորատոր հետազոտման միջազգային մեթոդաբանությունը:
Միջոցառմանը կմասնակցի շուրջ 100 մասնագետ (մանրէաբաններ, համաճարակաբաններ, վարակաբաններ, վիրաբույժներ, այլ մասնագետներ) տարբեր բժշկական կազմակերպություններից և շուրջ 40 առողջապահական ոլորտի մասնագետներ մարզերից: Դասընթացը կունենա նաև լաբորատոր մաս, որին մասնակցելու են շուրջ 40 կլինիկական մանրէաբաններ:
Հակամանրէային դեղերի վերաբերյալ ազգային դասընթաց է անցկացվում Երևանում
09:11 30.09.2015 (Թարմացված է: 17:47 12.10.2015)
© Interbuh
Բաժանորդագրվել
ՀՀ առողջապահության նախարարությունը և Առողջապահության համաշխարհային կազմակերպության նախաձեռնած դասընթացին մասնակցում են 8 միջազգային փորձագետ
