ԵՐԵՎԱՆ, 29 սեպտեմբերի — Sputnik. Հայաստանի նախագահ Սերժ Սարգսյանը հանդիպում է ունեցել ղարաբաղյան կարգավորման հարցով ԵԱՀԿ Մինսկի խմբի համանախագահների հետ: Այս մասին հայտնում է Հայաստանի հանրային հեռուստատեսությունը։
Ավելի ուշ հայկական պատվիրակությունը կմեկնի Միացյալ ազգերի կազմակերպության կենտրոնակայան, որտեղ նախատեսված է Հայաստանի նախագահի ելույթը ՄԱԿ-ի գլխավոր վեհաժողովի 70–րդ նստաշրջանում։
ԱՄՆ–ում Սարգսյանի այցելության ընթացքում նախատեսված են մի շարք երկկողմ հանդիպումներ և բանակցություններ խոշոր ամերիկյան ներդրողների ու գործարար օղակների ներկայացուցիչների հետ։
Վաշինգտոնում Հայաստանի նախագահը կմասնակցի «Ռաուլ Վալենբերգ» միջազգային հիմնադրամի կազմակերպած ճաշին, որտեղ հանդես կգա ելույթով։
Ավելի ուշ տեղի կունենա ՀՀ նախագահի հանդիպումը ԱՄՆ-ի հայ համայնքի հետ։
ՀՀ նախագահը հանդիպում է ունեցել ԵԱՀԿ ՄԽ համանախագահների հետ
22:25 29.09.2015 (Թարմացված է: 17:47 12.10.2015)
Բաժանորդագրվել
Հանդիպմանը զրուցակիցները քննարկել են ԵԱՀԿ Մինսկի խմբի շրջանակներում ղարաբաղյան հիմնախնդրի խաղաղ կարգավորման բանակցային գործընթացը և այս փուլում առկա մտահոգությունները
