ԵՐԵՎԱՆ, 29 սեպտեմբերի – Sputnik. Ալ–Ջազիրա հեռուստաընկերությունը հոդված է հրապարկել այն մասին, թե սիրիացիները Google որոնողական համակարգի միջոցով ինչ տեղեկություն են ավելի հաճախ փնտրում համացանցում։
Ինչպես նշվում է տեսանյութում, վերջին երկու շաբաթվա ընթացքում սիրիացիները համացանցում ավելի հաճախ փնտրել են մոտակա հիվանդանոցների վայրերը։ Հարցումների մեծ մասը վերաբերում է այրվածքների բուժմանն ու արհեստական շնչառության տեխնիկային։
Հետազոտության հեղինակների խոսքով` չի զարմացնում նաև այն փաստը, որ սիրիացիները ցանկանում են դուրս գալ պատերազմական երկրից, այդ պատճառով հարցումների զգալի մասը վերաբերում է հատկապես Սիրիայից դեպի Եվրոպա, հատկապես Գերմանիա տանող ուղիներին։
Ամենից հաճախ հանդիպող երկու հարցումները եղել են «Գերմանիա ներգաղթումը» և «Ապաստան Գերմանիայում», նրանց հետաքրքրում է նաև «Ինչպես հասնել Հունաստան, Սերբիա և Մակեդոնիա, որքան է Իզմիրից Էդիրնե և Իզմիրից Ստամբուլ տանող ճանապարհը»։
Սիրիացիներին հետաքրքրում են նաև Եվրոպայի և Գերմանիայի քարտեզները, հարցումներ են եղել Հունգարիայի մասին, որը խոչընդոտում է միգրանտների անցումը երկրի տարածքով։ Հարցումները հնչել են հետևյալ կերպ` «Հունգարիայի նորությունները» կամ «Հունգարիայի սիրիացի փախստականները»։
Ի՞նչ են փնտրում սիրիացիները համացանցում
20:52 29.09.2015 (Թարմացված է: 17:47 12.10.2015)
© Sputnik / Stringer
/ Բաժանորդագրվել
Սիրիայում շարունակվող պատերազմի ֆոնին համացանցը տալիս է այս երկրի բնակիչներին հուզող որոշ հարցերի պատասխանները
