ԵՐԵՎԱՆ, 29 սեպտեմբերի– Sputnik. Կազմակերպիչները ճշտել են Երևանում բրազիլական լեգենդար Sepultura թրեշ-մեթալ համերգի ամսաթիվը։
«Երևանում համերգը տեղի կունենա նոյեմբերի 28–ին»,– Sputnik Արմենիա պորտալին հաղորդեցին Zhesht Event ընկերությունից, որը համերգի կազմակերպիչն է։
Zhesht Event ընկերությունից նշեցին, որ տոմսերի և համերգի անցկացման վայրի մասին տեղեկությունն ավելի ուշ կտրամադրվի
Ինչպես նշվում է ընկերության կայքում, համերգի կազմակերպիչն է նաև Tomsarkgh.am–ը` Mezzo Production–ի աջակցությամբ։
Sepultura-ն Երևանում հանդես կգա խմբի ստեղծման 30-ամյակին նվիրված համաշխարհային շրջագայության շրջանակում
Ավելի վաղ Sepultura խմբի պաշտոնական կայքում նշվել էր, որ երևանյան համերգը տեղի կունենա հոկտեմբերի 28-ին, սակայն հիմա կայքում տեղադրված ցանկում նշվում է, որ Վրաստանում համերգից հետո, որը տեղի կունենա նոյեմբերի 27–ին, խումբը Երևանում ելույթ կունենա նոյեմբերի 28–ին։
Sepultura խումբը ստեղծվել է 1984 թվականին։ Գործունեության ընթացքում խումբը թողարկել է 13 ալբոմ և փոխել երաժշտական ժանրերը` դեթ–մեթալ, թրեշ–մեթալ, գրուվ–մեթալ և հարդքոր։ Խմբի ալբոմների ընդհանուր վաճառքը կազմել է ավելի քան 15 միլիոն օրինակ։
Կազմակերպիչները ճշտել են Երևանում Sepultura խմբի համերգի օրը
20:30 29.09.2015 (Թարմացված է: 17:47 12.10.2015)
© MTV
Բաժանորդագրվել
Zhesht Event ընկերությունը նշել է, որ տոմսերի և համերգի անցկացման վայրի մասին տեղեկություն կտրամադրվի ավելի ուշ
