ԵՐԵՎԱՆ, 29 սեպտեմբերի– Sputnik. Ռուսաստանի և Ուկրաինայի միջև թռիչքների փոխադարձ արգելքները չեն ազդի Հայաստանի վրա, Sputnik Արմենիա պորտալին ասաց Քաղաքացիական ավիացիայի գլխավոր վարչության (ՔԱԳՎ) մամուլի քարտուղար Ռուբեն Գրդզելյանը։
«Ստեղծված իրավիճակը չի անդրադառնա մեր երկրի վրա, քանի որ Ռուսաստանից Հայաստան ուղևորվող չվերթերը չեն օգտագործում Ուկրաինայի օդային տարածքն ու, համապատասխանաբար, դեպի Երևան չվերթեր կազմակերպող ուկրաինական ավիաընկերությունները չեն օգտագործում ռուսական տարածքը», – ասաց Գրդզելյանը։
Ուկրաինայի իշխանությունը սեպտեմբերի 16–ից պատժամիջոցներ է սահմանել ռուսական 25 ավիաընկերության նկատմամբ, որոնցից երկուսն արդեն գոյություն չունեն։ Պատժամիջոցների ցանկում են հայտնվել ռուսական խոշոր ավիափոխադրողներ «Աերոֆլոտը» (իր բոլոր «դուստր» ավիաընկերություններով), «Տրանսաերոն» և «Սիբիրը»։ Նախագահի հրամանագրով` նրանց բոլորին մասնակի կամ ամբողջությամբ արգելվում է ռեսուրսներ տեղափոխել Ուկրաինայի տարածքով, թռիչքներ և բեռնափոխադրումներ իրականացնել։
Նախօրեին Ռուսաստանի տրանսպորտի նախարարությունը Ռոսավիացիային հանձնարարել է Ուկրաինայի ավիաընկերություններին ծանուցում ուղարկել հոկտեմբերի 25–ից Ռուսաստանի օդային տարածքի օգտագործումը դադարեցնելու մասին։
ՔԱԳՎ. Ռուսաստանի և Ուկրաինայի միջև սահմանված թռիչքների արգելքը չի ազդի Հայաստանի վրա
17:16 29.09.2015 (Թարմացված է: 17:46 12.10.2015)
Բաժանորդագրվել
Ուկրաինայի իշխանությունը սեպտեմբերի 16–ից պատժամիջոցներ է սահմանել ռուսական 25 ավիաընկերության նկատմամբ, որոնցից երկուսն արդեն գոյություն չունեն։ Ռուսաստանը հայտարարել է, որ ուկրաինական ավիաընկերությունների նկատմամբ համարժեք միջոցներ կկիրառի
