ԵՐԵՎԱՆ, 27 սեպտեմբերի– Sputnik. Հայաստանի ոստիկանությունը տեսաուղերձ է տարածել, որում նշվում է, որ վերջերս հաճախակի են դարձել գողության դեպքերը։ Ոստիկանությունը նախազգուշացնում է մասնավորապես կանանց։
Գողության դեպքերի մեծ մասը գրանցվել է մայրաքաղաքում` 8 դեպք, ինչպես նաև 5 դեպք` Գյումրիում և 1 դեպք` Ստեփանավանում։ Դրանք բոլորը որակվում են որպես գողություն, սակայն պատճառները դեռևս պարզվում են։
Տեսանյութում ներկայացված են վերջին տասը օրերին հանրապետության տարբեր քաղաքներում գրանցված հարձակումների բազմաթիվ օրինակներ, որոնք կատարվել են գողության նպատակով։ Հատկանշական է, որ հիմնականում գողության զոհերը կանայք են, դեպքերի մեծ մասը տեղի է ունենում շքամուտքերում կամ շենքի մուտքի մոտ։ Հարձակվողները հափշտակում են, մասնավորապես, գումար կամ զարդեր։
«Կարելի է եզրակացնել, որ հանցագործության այս տեսակից տուժում են մասնավորապես կանայք։ Գողությունները հիմնականում գրանցվում են շքամուտքերի մոտ և երեկոյան ժամերին, այդ պատճառով հորդորում ենք մեր քաղաքացիներին` երեկոյան ժամերին անծանոթների հետ շքամուտք չմտնել, ի ցույց չդնել թանկարժեք զարդերը և ուշադիր լինել», – զգուշացնում է ոստիկանությունը։
Ոստիկանությունը հորդորում է կանանց անծանոթների հետ շենքի շքամուտք չմտնել (ՏԵՍԱՆՅՈւԹ)
13:06 27.09.2015 (Թարմացված է: 17:45 12.10.2015)
Բաժանորդագրվել
Տեսանյութում ներկայացված են վերջին տասը օրերին հանրապետության տարբեր քաղաքներում գրանցված հարձակումների բազմաթիվ օրինակներ
