ԵՐԵՎԱՆ, 25 սեպտեմբերի – Sputnik. Գերմանիայում քննարկում են, որ իբր Սիրիայից ժամանած փախստականներից յուրաքանչյուր երրորդը ստում է իր ազգության հարցում, ուրբաթ Բեռլինում կայացած ճեպազրույցի ժամանակ ասել է Գերմանիայի ՆԳՆ պաշտոնական ներկայացուցիչը։
«Այդ գնահատականը հիմնված է պաշտոնատար անձանց` տեղերում, նախևառաջ` դաշնային ոստիկանությունում, Միգրացիայի և փախստականների հարցերով դաշնային վարչության և Frontex գործակալության կատարված դիտարկումների վրա»,– ասել է նա։Նախարարության ներկայացուցիչն ավելացրել է, որ Գերմանիան ապաստան խնդրողների ազգության մասին պաշտոնական վիճակագրություն չի վարում
Ավելի վաղ ԳԴՀ ներքին գործերի նախարար «ոմաս դը Մեզիերը հայտնել էր, որ փախստականների ընդունման համար պատասխանատու պաշտոնատար անձինք բախվում են սիրիական կեղծ անձնագրերի, ինչպես նաև սիրիացի ներգաղթյալների հետ, ովքեր արաբերենի չեն տիրապետում։
Ենթադրվում է, որ ընդհանուր առմամբ Գերմանիան 2015 թվականին կընդունի մոտ մեկ միլիոն փախստական։ ԳԴՀ–ն Եվրոպայում ներգաղթյալների հիմնական թիրախներից է։
2015 թվականի սկզբից Եվրամիության տարածք է մեկնել մոտ 500 հազար ներգաղթյալ, ամեն օր նրանց շարքերը համալրվում են նոր մարդկանցով։ Եվրահանձնաժողովը հայտարարել է, որ միգրացիոն ներկայիս ճգնաժամը ամենախոշորն է Երկրորդ համաշխարհային պատերազմից ի վեր։
Գերմանիայում փախստականների մեկ երրորդը ստում է, որ Սիրիայից է ժամանել
21:18 25.09.2015 (Թարմացված է: 17:45 12.10.2015)
© Sputnik / Сергей Строителев
/ Բաժանորդագրվել
Գերմանիայի ՆԳՆ պաշտոնական ներկայացուցիչը հայտնել է, որ գնահատականը հիմնված է պաշտոնատար անձանց` տեղում անցկացված դիտարկումների վրա։ Ըստ նրա, Գերմանիան ապաստան խնդրողների ազգության վիճակագրություն չի կազմում
