ԵՐԵՎԱՆ, 25 սեպտեմբերի – Sputnik. Պատահական չէ, որ հեծանվորդ Քենի Բելեյին (Kenny Belaey) «մոգ» են անվանում. դժվար գտնվի մեկը, որ հեծանվով կկարողանա անցնել ժայռերն իրար միացնող 20 մետրանոց ճոպանի վրայով, գրում է «National Geograpic Россия»–ն։
Հեծանվորդն անցնում է ժայռերն իրար միացնող ճոպանի վրայով
© Dom Daher
Մեկ տարի է պահանջվել, որպեսզի մարզիկը կարողանա իրագործել այս հնարքը։ Եվ դա այն դեպքում, որ նա UCI World–ի քառակի չեմպիոն է մի մարզաձևում, որը պահանջում է խոչընդոտների գիծն անցնել առանց ոտքերով գետնին կպչելու։
Տեսագրությունն արվել է Ֆրանսիայի Լը Պլան լեռնադահուկային հանգստավայրում։ «Երբ ես մի քանի ամիս պարապելուց հետո առաջին անգամ հայտնվեցի ճոպանի վրա, մտածեցի, որ դրա վրայով անցնելն անհնար է, – պատմում է հեծանվորդը, – արդյունքում պարզվեց, որ դա մեր կատարած հնարքներից ամենաբարդն էր»։
