ԵՐԵՎԱՆ, 25 սեպտեմբերի – Sputnik. «Եվրատեսիլ-2016» երգի միջազգային մրցույթի հայ ներկայացուցչի անունը հայտնի կդառնա հոկտեմբերի 13-ին ժամը 19:15-ին, Առաջին ալիքի «Մասնագիտությունը՝ լրագրող» հաղորդման շրջանակներում, հայտնում է Հայաստանի հանրային հեռուստաընկերության հասարակայնության հետ կապերի բաժինը։
Հայաստանը պաշտոնապես հաստատել է իր մասնակցությունը: Եվրատեսիլի պատմության մեջ երկրորդ անգամ մրցույթը կանցկացվի «Գլոբ» արենայում:
«Եվրատեսիլ-2016»-ի կիսաեզրափակիչ փուլերը կկայանան մայիսի 10-ին և 12-ին, իսկ եզրափակիչ փուլը՝ մայիսի 14-ին:
Պետք է նշել, որ «Եվրատեսիլ» երգի մրցույթում կանոնների փոփոխություններ են կատարվել։ «Եվրատեսիլ 2016»-ին Մեծ հնգյակի երկրների (Ֆրանսիա, Գերմանիա, Իտալիա, Իսպանիա, Մեծ Բրիտանիա) և մրցույթը հյուրընկալող Շվեդիայի ներկայացուցիչներն իրենց ելույթները սկսելու են կիսաեզրափակիչ փուլից, սակայն ինքնաբերաբար հայտնվելու են եզրափակիչում։ Նրանք կունենան կիսաեզրափակիչի մյուս մասնակիցների համար քվեարկելու իրավունք։
«Եվրատեսիլ 2015»–ի եզրափակիչ փուլը անցել է մայիսի 23-ին Ավստրիայի մայրաքաղաք Վիեննայում։ Մրցույթի հաղթող է դարձել Մանս Զելմերլոուն Շվեդիայից (365 բալ), երկրորդ տեղն է զբաղեցրել Ռուսաստանի ներկայացուցիչ Պոլինա Գագարինան (303 բալ), երրորդը` իտալական Il Volo խումբը (292 բալ)։ Հայաստանն 2015 թվականին ներկայացնում էր Genealogy խումբը, որը զբաղեցրել է 16-րդ տեղը։
Հայաստանի ներկայացուցչի անունը «Եվրատեսիլ-2016»-ում հայտնի կդառնա հոկտեմբերի 13-ին
19:57 25.09.2015 (Թարմացված է: 17:45 12.10.2015)
Բաժանորդագրվել
Եվրատեսիլի պատմության մեջ երկրորդ անգամ մրցույթը կանցկացվի Ստոկհոլմի «Գլոբ» արենայում
