ԵՐԵՎԱՆ, 25 սեպտեմբերի – Sputnik. Երևանաբնակ 25-ամյա Տ.Մ.–ին մեղադրանք է առաջադրվել այն բանի համար, որ նա Ա.Գ.–ի նկատմամբ սեքսուալ բնույթի բռնի գործողություններ է կատարել։
Ինչպես նշված է Դատական տեղեկատվական համակարգի պաշտոնական կայքում, Տ.Մ.–ին մեղադրանք է առաջադրվել այն բանի համար, որ նա Ա. Գ.–ի կամքին հակառակ, վերջինիս նկատմամբ կատարել է սեքսուալ բնույթի բռնի գործողություններ, որի միջոցով իր սեռական կրքերին հագուրդ է տվել խաթարված ձևով։
2014 թվականի հուլիսի 1-ին ՀՀ քննչական կոմիտեի Երևան քաղաքի քննչական վարչության Քանաքեռ-Զեյթուն վարչական շրջանի քննչական բաժնում ՀՀ քրեական օրենսգրքի 139-րդ հոդվածի 1-ին մասի հատկանիշներով քրեական գործ է հարուցվել:
Դատական գործում նշված է, որ Տ.Մ.–ն աշխատանքի տեղավորելու պատրվակով ծանոթացել է Ա. Գ.–ի հետ, որից հետո 2014թ. հունիսի 21-ին, ժամը 14:00-ի սահմաններում Երևանի մետրոյի «Երիտասարդական» կայարանի մոտ հանդիպել է նրան, իր կողմից շահագործվող «Շկոդա» մակնիշի ավտոմեքենայով միասին գնացել են Երևան քաղաքի «Հաղթանակ» զբոսայգու ծառախիտ հատված, որտեղ ավտոմեքենայից դուրս են եկել և Ա.Գ.–ի կամքին հակառակ գրկել և համբուրել է նրան: Այնուհետև կրկին նստել են ավտոմեքենայի մեջ, որտեղ Ա.Գ.–ին առաջարկել է սեռական հարաբերություն ունենալ իր հետ, սակայն վերջինից մերժում ստանալուց հետո դեմքի շրջանում ապտակներ հասցնելով` նրա նկատմամբ բռնություն է գործադրել:
Նախաքննության ժամանակ լրացուցիչ հարցաքննության ընթացքում Ա.Գ.–ն հրաժարվել է մինչ այդ տված իր նախաքննական ցուցմունքներից և հայտնել, որ իր և Տ.–ի միջև տեղի ունեցածը կատարվել է փոխադարձ համաձայնությամբ: Տ.Մ.–ն սեռական բնույթի գործողություններ կատարելիս իր նկատմամբ բռնություն չի գործադրել, սակայն դրանից անմիջապես հետո իրեն մեքենայից դուրս է հանել և վարելով մեքենան հեռացել է ու իրեն թողել փողոցում, որից ելնելով էլ ինքը վիրավորվել է, որոշել է պատժել նրան և դիմել է ոստիկանություն ու հայտնել, որ Տ.Մ.–ն իր նկատմամբ կատարել է սեռական բնույթի բռնի գործողություններ և ծեծել է իրեն: Իր ստացած մարմնական վնասվածքների վերաբերյալ հայտնել է, թե դրանցից ակնակապճի վնասվածքը ստացել է տանը հոր` Վ. Գ.–ի հարվածի հետևանքով:
Ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 369-373-րդ հոդվածներով` դատարանը վճռել է ամբաստանյալին մեղավոր ճանաչել ՀՀ քրեական օրենսգրքի 139-րդ հոդվածի 1-ին մասով նախատեսված հանցանք կատարելու մեջ և նրան դատապարտել ազատազրկման 3 տարի ժամկետով:
Դատարանը Տ.Մ–ի նկատմամբ որպես խափանման միջոց կիրառված չհեռանալու մասին ստորագրությունը թողել է անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան հրապարակվելու օրվանից հետո մեկամսյա ժամկետում:
25–ամյա երիտասարդին մեղադրանք է առաջադրվել կնոջ նկատմամբ սեքսուալ բնույթի բռնի գործողություններ կատարելու համար
18:23 25.09.2015 (Թարմացված է: 17:45 12.10.2015)
Բաժանորդագրվել
Տ.Մ–ն Ա.Գ.–ին առաջարկել է սեռական հարաբերություն ունենալ իր հետ, սակայն վերջինից մերժում ստանալուց հետո դեմքի շրջանում ապտակներ հասցնելով` նրա նկատմամբ բռնություն է գործադրել
