ԵՐԵՎԱՆ, 24 սեպտեմբերի – Sputnik. Ճապոնացի մրցավազող Խիդեկիտի Միյաձակին 105 տարեկանից բարձր խմբում 100 մետր հեռավորությունն անցնելով համաշխարհային ռեկորդ է սահմանել, հայտնում է Lenta.ru–ն` հղում անելով Bangkok Post–ին։
Մարզիկը հաղթահարել է հեռավորությունը 42.22 վայրկյանում։ Ընդ որում նա մի քանի վայրկյան կորցրել է մեկնարկի ընթացքում` սուլիչի ձայնը չլսելու պատճառով։ Մրցավազքից հետո ճապոնացուն, ով արժանացել է «Ոսկե Բոլտ» կոչմանն ի պատիվ վեցակի օլիմպիական չեմպիոն Հուսեյն Բոլտի, գինեսների ռեկորդների գրքի ներկայացուցիչները հանձնել են համապատասխան վկայագիր։
Մեկնաբանելով իր արդյունքը` մարզիկը նշել է, որ դժգոհ է ցուցադրած արդյունքից։ «Ես արցունքներս էի սրփում վազքի ժամանակ, քանի որ ես շատ դանդաղ էի վազում։ Ըստ երևույթին, ես ծերանում եմ», – բողոքել է Միյաձակին։
Նա նաև նշել է, որ ինքն իր առջև նպատակ էր դրել 100 մետրն անցնել 35 վայրկյանում։ «Ես դեռևս կարող եմ լավացնել իմ արդյունքը։ Ես առողջական խնդիրներ չունեմ, և կարող եմ վազել դեռ 2-3 տարի», – նշեց նա։
Նշվում է, որ Միյաձակին մասնակցել է մրցավազքին իր 105-ամյակի հաջորդ օրը։
2011 թվականին Միյաձակին համաշխարհային ռեկորդ էր սահմանել երկարակյացների միջև` անցնելով 100 մետրը 29.83 վայրկյանում։ Ճապոնացին` ում հասակը 1.53 մետր է, իսկ քաշը` 42 կգ մշտական լավ սպորտային վիճակում է պահում իրեն` պարապելով տան մոտակա զբոսայգում։
105-ամյա ճապոնացին 100 մետրն անցել է 42 վայրկյանում
16:12 24.09.2015 (Թարմացված է: 17:44 12.10.2015)
Բաժանորդագրվել
«Ես արցունքներս էի սրբում վազքի ժամանակ, քանի որ ես շատ դանդաղ էի վազում։ Ըստ երևույթին, ես ծերանում եմ», – բողոքել է Խիդեկիտի Միյաձակին
