Հայ կաթոլիկների նոր պատրիարքն առաջին անգամ կայցելի Հայաստան

ԵՐԵՎԱՆ, 24 սեպտեմբերի – Sputnik. Հայ կաթոլիկ եկեղեցու նոր ընտրված պատրիարք Գրիգոր Պեդրոս XX Կապրոյանը առաջին անգամ այցելել է Հայաստան, գրում է «Նովոյե վրեմյա» թերթը։

Ինչպես նշվում է թերթում, հայ կաթոլիկների առաջնորդը Հայաստան է ժամանալ նախագահ Սերժ Սարգսյանի հրավերով` մասնակցելու Հայոց ցեղասպանության 100-րդ տարելիցին նվիրված Համակարգող կոմիտեի միջոցառումների նիստին

Այցի շրջանակներում Կիլիկիայի Կաթոլիկ–պատրիարքն այցելել է նաև Մայր Աթոռ սուրբ Էջմիածին, որտեղ նրան ընդունել է Ամենայն հայոց կաթողիկոս Գարեգին II–ը։

Ամենայն հայոց կաթողիկոսը շնորհավորել է Գրիգոր Պեդրոս XX–ին նշանակության և գահակալության կապակցությամբ` ցանկանալով նրան արդյունավետ ծառայություն։

Գարեգին II–ը նաև նշել է, որ վերջին տարիներին Հայ առաքելական և հռոմեական-կաթոլիկ եկեղեցիների միջև համագործակցությունը զարգանում է։

Նա բարձր է գնահատել`Վատիկանի սուրբ Պետրոս տաճարում ապրիլի 12-ին Ֆրանցիսկ Հռոմի Պապի տված պատարագը, որը նվիրված էր Հայոց ցեղասպանության 100-րդ տարելիցին, ինչպես նաև Պապի ուղերձը նոր ցեղասպանություններն ու ոճրագործությունները կանխելու կարևորության մասին։