Ուկրաինայի իշխանությունը ավելացրել է Ղրիմ մուտք գործելու պահանջների ցուցակը

ԵՐԵՎԱՆ, 24 սեպտեմբերի – Sputnik. Ուկրաինայի կառավարությունը որոշել է ընդլայնել լրագրողներին, արտասահմանցիներին և իրավապահներին վերաբերող պահանջների ցուցակը` փոխելով Ղրիմի տարածք մուտք գործելու և տարածքից դուրս գալու կարգը։ Համապատասխան կարգադրությունը հրապարակված է Ուկրաինայի նախարարների կաբինետի կայքում սեպտեմբերի 16-ին։

Փաստաթղթի տեքստի համաձայն, արտասահմանցիներին մուտք գործելու թույլտվույթուն տալու համար հիմք է հանդիսանալու նաև կրոնական ուսմունքների քարոզումը, կրոնական ծիսակատարությունները կամ կրոնական պահանջմունքների բավարարումը (միայն մշակույթի նախարարության միջնորդությամբ կամ համաձայնեցվածությամբ), ինչպես նաև ղրիմ–թաթարական ժողովրդի մեջլիսի միջոցառումներին մասնակցությունը։

Արտասահմանյան լրագրողները Ուկրաինայի տեղեկատվական քաղաքականության նախարարության հետ համաձայնեցված հատուկ թույլտվություն պետք է ստանան։ Իրավապահները, միջազգային կառավարական և ոչ կառավարական կազմակերպությունների ներկայացուցիչները պետք է համաձայնեցնեն իրենց այցը Ուկրաինայի արտաքին գործերի նախարարության հետ։

2014 թ.–ի մարտին անցկացված հանրաքվեից հետո Ղրիմը կրկին դարձել է ռուսական շրջան։ Այդ պահին ուկրաինական ինքնավար շրջանի բնակիչների ճնշող մեծամասնությունը, որը չի ճանաչել Ուկրաինայում 2014 թ.–ի փետրվարին տեղի ունեցած պետական հեղաշրջման օրինականությունը, կողմ քվեարկեց ՌԴ –ի կազմում ներառվելուն։ Մոսկվայում ընդգծում են, որ Ղրիմում հանրաքվեի անցկացումը համապատասխանում է միջազգային իրավունքի նորմերին և ՄԱԿ–ի Կանոնադրությանը։  Ուկրաինան առաջվա պես Ղրիմն իրենն է համարում, համարելով այն ժամանակավորապես զավթած տարածք։