ԵՐԵՎԱՆ, 23 սեպտեմբերի– Sputnik. Հինգշաբթի Երևանում կկայանա 2015թ.–ի ամենաաղմկահարույց ֆիլմերից մեկի` «Էվերեստի» պրեմիերան։
Ֆիլմը սեպտեմբերի 24–ին կցուցադրվի «Մոսկվա» և Cinema Star Armenia կինոթատրոններում։
«Էվերեստը» իսլանդացի ռեժիսոր Բալթազար Կորմակուրի արկածային ֆիլմն է։ Հիմքում իրական դեպքեր են, որոնք տեղի են ունեցել Հիմալայներում 1996թ.–ի մայիսին։ Այդ ժամանակ միանգամից երեք արշավախմբեր, որոնց կազմում եղել են ինչպես փորձառու ալպինիստներ, այնպես էլ զբոսաշրջիկներ, բարձրացել են աշխարհի ամենաբարձր լեռան գագաթը։ Իջնելիս մի քանի հոգի հայտնվել են ուժեղ բքի մեջ, և հինգ մարդ մահացել է։ Զոհերն ավելի շատ կլինեին, եթե չլիներ հայտնի ալպինիստ Անատոլի Բուկրեևը` Սքոթ Ֆիշերի «Լեռնային խելահեղություն» խմբի էքսկուրսավարը։ Նա միայնակ փրկել է երեք ցրտահարված ալպինիստներին` անտեսելով բուքն ու զրոյական տեսանելիությունը։
Երևանի կինոթատրոններում «Էվերեստի» պրեմիերան կկայանա սեպտեմբերի 24–ին
© Sputnik / Юрий Сенкевич
/ Բաժանորդագրվել
«Էվերեստ» ֆիլմի ռեժիսորը Բալթազար Կորմակուրն է։ Ֆիլմի հիմքում իրական դեպքեր են, որոնք տեղի են ունեցել Հիմալայան լեռներում 1996թ.–ի մայիսին
