Չերչիլի գրպանի ժամացույցը վաճառել են

ԵՐԵՎԱՆ, 22 սեպտեմբերի– Sputnik. Բրիտանիայի վարչապետ Ուինսթոն Չերչիլի գրպանի ժամացույցը, որը նա նվեր էր ստացել է Երկրորդ համաշխարհային պատերազմում հաղթանակի կապակցությամբ, Sotheby's աճուրդում վաճառվել է շուրջ 500 հազար ֆունտով (ավելի քան 750 հազար դոլար), ինչը մի քանի անգամ բարձր է գնահատման արժեքից։

Շվեյցարացի ժամագործը պատրաստել է ընդամենը չորս նման ժամացույց, բոլորը` դաշնակցային երկրների առաջնորդների համար` Իոսիֆ Ստալին, Շառլ դե Գոլ և Հարի Թրումեն։

Մեծ Բրիտանիայի, ԽՍՀՄ–ի, ԱՄՆ–ի և Ֆրանսիայի առաջնորդների` պատերազմում ունեցած ավանդի համար շնորհվող նվերներն առաջնորդներին են հանձնել Շվեդիայի ականավոր քաղաքացիները։

Ժամացույցի սկզբնական գինն աճուրդում եղել է 60-100 ֆունտ ստեռլինգ, սակայն վաճառվել է 485 հազարով։

Ժամացույցի դարձերեսին պատկերված է աշխարհի քարտեզը և «V» տառը (Victory` հաղթանակ), ինչպես նաև փորագրված է առաջնորդի անունը։

Ժամացույցում տեղադրված է «համաշխարհային ժամանակ» մեխանիզմը, որը հնարել է ժնևյան ժամագործ Լուի Կոտյեն։ Կոտյեն նման մեխանիզմ է ստեղծել, մասնավորապես, Patek Philippe և Rolex «լյուքս» ժամացույցների արտադրողների համար։