ԵՐԵՎԱՆ, 22 սեպտեմբերի– Sputnik. Լոս Անջելեսում կազմակերպվել է «Էմմի» մրցանակաբաշխությունը (Emmy Awards), որը վարել է կատակերգու դերասան Էնդի Սեմբերգը։
ԱՄՆ–ի գլխավոր հեռուստատեսային մրցանակի հանձնման արարողության ընթացքում պարգևատրվել են տարվա լավագույն հեռուստածրագրերը, որոնք թողարկվել են 2014թ.–ի հունիսի 1–ից 2015թ.–ի մայիսի 31–ն ընկած ժամանակահատվածում։
Հանդիսավոր արարողությունը հաղթական է եղել HBO հեռուստաալիքի համար, որի արտադրանքը պարգևների է արժանացել գրեթե բոլոր անվանակարգերում։
«Գահերի խաղը»` «Էմմիի» գահին
«Գահերի խաղ» հեռուստանովելը չորս արձանիկ է ստացել լավագույն դրամատիկ սերիալի, դրամատիկ սերիալում երկրորդ պլանի լավագույն դերասանի (Փիթեր Դինքլեյջ), լավագույն ռեժիսուրայի (Դևիդ Նաթեր «Mother's Mercy»–ի էպիզոդում դերի համար) և լավագույն սցենարի համար (Դևիդ Բենիոֆ և Դեն Ուայես)։
«Ի՞նչ գիտի Օլիվիան»` մրցանակաբաշխության ֆավորիտ
Մինի–սերիալների և հեռուստաֆիլմերի անվանակարգում ֆավորիտ է դարձել «Ի՞նչ գիտի Օլիվիան» մինի–սերիալը։ Չորս ժամ տևած շոուի ընթացքում մրցանակներ են ստացել Ռիչարդ Ջենքինսը (մինի–սերիալում տղամարդու լավագույն դերի) և Բիլ Մյուրեյը (կնոջ լավագույն դերի համար), Լիզա Խոլոդենկոն (մինի–սերիալի լավագույն ռեժիսորի)։ «Ի՞նչ գիտի Օլիվիան» լավագույն մինի–սերիալ է ճանաչվել։
«Փոխնախագահը» միշտ առաջինն է
HBO հեռուստաալիքի ևս մեկ հաղթանակը «Փոխնախագահ» կատակերգության չորրորդ եթերաշրջանն է, որը շարունակում է պատմել ԱՄՆ փոխնախագահի առօրյայի մասին։ «Փոխնախագահը» պարգևներ է ստացել լավագույն հեռուստատեսային կատակերգության, լավագույն կատակերգական դերասանուհու (Ջուլիա Լուիս Դրեյֆուս), երկրորդ պլանի լավագույն դերասանի (Թոնի Հեյլ) և լավագույն սցենարի համար («Election Night»–ի էպիզոդ)։
Մյուս անվանակարգերում մրցանակները բաշխվել են հետևյալ կերպ. դրամատիկ սերիալի լավագույն դերասանուհի է ճանաչվել Վիոլա Դևիսը («Ինչպե՞ս խուսափել սպանության համար պատժից»), կատակերգական սերիալում լավագույն դերասան է դարձել Ջեֆրի Թեմբերը («Ակնհայտը»):
Դրամատիկ սերիալում երկրորդ պլանի լավագույն դերասանուհի է ճանաչվել Ուզո Ադուբան «Նարնջագույնը սեզոնի հիթ է» ֆիլմում խաղացած դերի համար, «Մամաշա» կատակերգական սերիալում երկրորդ պլանի լավագույն դերասանուհի է դարձել Էլիսոն Ջեննին։ Մինի–սերիալում կամ հեռուստատեսային ֆիլմում երկրորդ պլանի լավագույն դերասանուհի է ճանաչվել Ռեջինա Քինգը («Ամերիկյան հանցագործություն»)։
Դրամատիկ սերիալում լավագույն հրավիրված դերասան է դարձել Ռեգ Է. Քեթին «Թղթե տնակ» սերիալից, իսկ դրամատիկ սերիալում լավագույն հրավիրված դերասան է դարձել Մարգո Մարինդեյլը «Ամերիկացիները» սերիալից։ Կատակերգական սերիալում լավագույն հրավիրված դերասան և դերասանուհի են ճանաչվել Բրեդլի Ուիթֆորդը («Ակնհայտը») և Ջոան Քյուսակը («Անամոթները»)։
Լավագույն հեռուստատեսային ֆիլմ է ճանաչվել «Բեսսին»։
«Էմմի 2015». «հեռուստատեսային» Ամերիկան հրապարակել է լավագույն ֆիլմերի և հեռուստահաղորդումների ցանկը
© Photo : The Telegraph
Բաժանորդագրվել
«Գահերի խաղը» սերիալը տարբեր անվանակարգերում չորս արձանիկ է ստացել
