ԵՐԵՎԱՆ, 21 սեպտեմբերի – Sputnik. Մյունխենում մեկնարկել է, արդեն ավանդական դարձած, «Oktoberfest» գարեջրի ամենամյա խոշորագույն փառատոնը, հայտնում է Deutsche Welle-ն:
Փառատոնին զբոսաշրջիկների մասնակցությունը պարտադիր է: Այնտեղ նրանց սպասվում է ոչ միայն գարեջուր: Oktoberfest-ին մասնակցելու համար ամբողջ աշխարհից ժամանած մարդկանց համար այս տարի որպես դելիկատես նորույթ առաջարկվելու է գարեջուր-պաղպաղակը կամ պաղպաղակ գարեջրից:
Կեսօրին Մյունխենի բուրգոմիստր Դիթեր Ռայթերը փայտե մուրճի երկու հարվածով բացեց գարեջրի առաջին տակառը: «Բացված է, խմենք, խաղաղ Oktoberfest-ի համար», — բացականչեց Ռայթերը` բացելով փառատոնը: «Գարեջուր կարելի է խմել ամենուրեք, սակայն այստեղ մի մանրուք կա, Oktoberfest —ում հենց այնպես բաց երկնքի տակ գարեջուր չեն խմում: Դա սազական չէ Oktoberfest —ի մասնակիցներին: Անհրաժեշտ է փորձել ներխուժել վրան-տաղավարներից մեկը, ինչն այնքան էլ հեշտ չէ անել, չնայած այնտեղ բավականին աղմկոտ է, շոգ, տոթ և գրեթե տեղ չի լինում: Առանց նախնական ամրագրման դժվար կլինի այնտեղ խծկվել և ստիպված պետք է սպասել մուտքի մոտ հերթի մեջ: Այնպես որ, ցանկալի է դրա մասին հոգալ նախապես», — նշում է Deutsche Welle-ն:
Կազմակերպիչները հայտնում են, որ այս տարի փառատոնին գարեջրի մեկ լիտրանոց գավաթի արժեքը կգերազանցի 10 եվրոն:
Oktoberfest ամեն տարի այցելում է շուրջ 6.5 մլն մարդ: Փառատոնն անցկացվում է արդեն 182-րդ անգամ: Այս տարի փառատոնին ևս սպասվում է 6 մլն հյուր: Փառատոնը տևելու է մինչև հոկտեմբերի 4-ը:
