ԵՐԵՎԱՆ, 19 սեպտեմբերի– Sputnik. Այսօր կինոռեժիսոր Էլդար Ռյազանովը դուրս է գրվել Քաղաքային առաջին հիվանդանոցից, որտեղ նա բուժվել է սեպտեմբերի 6–ից։ «Դուրս ենք գրել», – ասել է գլխավոր բժիշկ Ալեքսեյ Սվետը։
ԶԼՄ–ներն ավելի վաղ տեղեկացրել են, որ Ռյազանովը տեղափոխվել է հիվանդանոց սրտի կաթվածի պատճառով։ Ռեժիսորի հարազատները հերքել են այդ տեղեկատվությունը` նշելով, որ Ռյազանովը պլանային բուժում է անցնում։
Էլդար Ռյազանովը ռուս և խորհրդային կինոռեժիսոր է, սցենարիստ, դերասան, մանկավարժ, հեռուստահաղորդավար, գրող, բանաստեղծ, թատերագիր, պրոդյուսեր, ԽՍՀՄ ժողովրդական արտիստ։ Նա «Ավազակ ծերունիներ», «Իտալացիների անհավանական արկածները Ռուսաստանում», «Ճակատագրի հեգնանքը կամ բաղնիքդ անուշ», «Ծառայողական սիրավեպ», «Կայարան երկուսի համար», «Գարաժ» և շատ այլ ֆիլմերի հեղինակն է։
