ԵՐԵՎԱՆ, 19 սեպտեմբերի– Sptunik. Շաբաթ օրը Չիլիի ափերի մոտ 6,2 մագնիտուդով երկու նոր երկրաշարժ է գրանցվել, հաղորդում է ԱՄՆ–ի երկրաբանական ծառայությունը (USGS)։
6,2 մագնիտուդով առաջին երկրաշարժը գրանցվել է տեղական ժամանակով ժամը 09,52–ին (Երևանի ժամանակով ժամը 16։52)։ Ստորգետնյա ցնցումների էպիկենտրոնը գտնվել է Վալպարաիսո քաղաքից 89 կմ դեպի հյուսիս–արևմուտք, երկրի մայրաքաղաք Սանտյագոյից 183 կմ հյուսիս–արևմուտք։ Երկրաշարժի օջախը գտնվել է 10,6 կմ խորության տակ։
5,6 մագնիտուդով երկրորդ ցնցման էպիկենտրոնը գտնվել է Օվալիե քաղաքից 92 կմ դեպի արևմուտք։ Երկրաշարժը գրանցվել է տեղական ժամանակով ժամը 10։08–ին (Երևանի ժամանակով 16։08)։ Օջախը գտնվել է 14,1 կմ խորության տակ։
Երկու դեպքում էլ զոհերի կամ ավերածությունների մասին տեղեկատվություն չի ստացվել։ Ցունամիի սպառնալիք չկա։
Շաբաթ օրն ավելի վաղ տեղեկություն է տարածվել 6,1 մագնիտուդով երկրաշարժի մասին, որի էպիկենտրոնը գտնվել է Իլյապել քաղաքից 71 կմ դեպի հյուսիս–արևմուտք։ Ուրբաթ Չիլիի ափամերձ տարածքում կրկին գրանցվել են 4,7–5,4 մագնիտուդով մի շարք ստորգետնյա ցնցումներ։
Սեպտեմբերի 17–ի գիշերը Չիլիի ափամերձ տարածքում գրանցվել է 8,3 մագնիտուդով երկրաշարժ։ Ցնցումների էպիկենտրոնը գտնվել է Իյապել քաղաքից 54 կմ դեպի հյուսիս–արևմուտք, Սանտյագո քաղաքից 228 կմ դեպի հյուսիս։ Երկրաշարժին հետևել են 6,4 և 7,0 մագնիտուդներով հետցնցումներ։ Հզոր երկրաշարժի հետևանքով զոհվել է 13 մարդ, վեց մարդ համարվում է անհետ կորած։ Մոտ 1 միլիոն մարդ տարհանվել է։
6,2 մագնիտուդով երկու երկրաշարժ է տեղի ունեցել Չիլիում
CC BY-SA 3.0 / Yamaguchi / Kinemetrics seismograph
Բաժանորդագրվել
Երկու դեպքում էլ զոհերի կամ ավերածությունների մասին տեղեկատվություն չի ստացվել։ Ցունամիի սպառնալիք չկա, հաղորդում է ԱՄՆ–ի երկրաբանական ծառայությունը (USGS)
