ԵՐԵՎԱՆ, 19 սեպտեմբերի – Sputnik. Եգիպտոսի նախագահ Աբդել Ֆաթահ աս–Սիսին շաբաթ օրն ընդունել է Շարիֆ Իսմայիլի գլխավորած նոր կառավարության երդմնակալությունը։
Ի սկզբանե նախարարական կաբինետի նոր անձնակազմի երդմնակալությունը ծրագրվում էր հինգշաբթի, սակայն մի շարք թեկնածուներ հրաժարվել էին նախարարական պորտֆելներից, ինչի հետևանքով խորհրդատվությունները ձգձգվել էին։
Եգիպտոսի նախագահն ավելի վաղ ազատ էր արձակել Իբրահիմ Մահլյաբի կառավարությանը և նրան հանձնարարել էր պարտականությունները կատարել մինչև նոր կաբինետի ձևավորումը։ Իսկ նոր կառավարության ձևավորման հարցը հանձնարարվել էր նավթի նախկին նախարար Շերիֆ Իսմայիլին։
Նախարարական կաբինետի հրաժարականը հաջորդել էր աղմկահարույց պատմությանը, որը կապված էր երկրի գյուղատնտեսության նախարար Սալալ Հիլյալի ձերբակալության հետ. նրան կոռուպցիայի մեղադրանք էր առաջադրվել։
Նախարարների կաբինետում սպասվող առաջիկա փոփոխությունների մասին լուրերը վաղուց էին պտտվում։ Սպասվում էր, որ իշխանությունը բարձրագույն օղակներում փոփոխություններ կկատարի Սուեզի ջրանցքի նոր հունի բացման կապակցությամբ կազմակերպվող հանդիսություններից հետո։
Եգիպտոսի նախագահն ընդունել է նոր կառավարության երդմնակալությունը
© Sputnik / Валерий Шустов
/ Բաժանորդագրվել
Եգիպտոսի նախագահը նավթի նախարար Շարիֆ Իսմայիլին հանձնարարել էր նոր կառավարություն ձևավորել
