ԵՐԵՎԱՆ, 19 սեպտեմբերի– Sputnik. Մովսես գյուղի բնակիչ, 41-ամյա Արթուր Վանիկի Մկրտչյանը գյուղում կենցաղային հարցերի շուրջ ծագած վիճաբանության ժամանակ իր մոտ եղած որսորդական հրացանով կրակել և սպանել է ՀՀ ՊՆ Տավուշի մարզի Շամշադինի զինկոմ, 49-ամյա Դերենիկ Անուշավանի Պապյանին, հաղորդում է shamshyan.com-ը:
Գյուղացիները ֆոտոլրագրող Գագիկ Շամշյանի հետ զրույցում ասել են. «Սպանություն կատարողն ու սպանվածը մեր գյուղից էին: Զինկոմն ուներ 2 տղա, իսկ նրան սպանողը՝ 3: Մի կաթիլ մեղրի պատմություն հիշեցնող վեճ է տեղի ունեցել նրանց միջև, երբ Արթուրը իրեն պատկանող «Նիվա» մակնիշի ավտոմեքենայով մի քանի անգամ գյուղամիջում մեծ արագությամբ վարել է այն, զինկոմն էլ նկատողություն է արել նրան, որի ժամանակ միմյանց նկատմամբ հայհոյանքներ են տվել: Զինկոմն էլ ապտակել է նրան: Դրանից հետո Արթուրը գնում է տուն, վերցնում երկփողանի 16 մմ տրամաչափի ողորկափող որսորդական հրացանը, գնում գյուղապետարան, 2 կրակոց է արձակում զինկոմի վրա ու հեռանում հանցագործության վայրից»:
Քանի որ կրակոցները մահացու են եղել, զինկոմը վայրկյաններ անց գիտակցության չգալով մահացել է: Ոստիկաններն ու քննիչները հայտնաբերել են հանցագործության գործիք հրացանը և կրակված 2 պարկուճ: Սպանություն կատարող կասկածյալը տեղափոխվել է բժշկական կենտրոն՝ փորձաքննության: Պարզվել է, որ նա գտնվել է ոչ սթափ վիճակում: Քննիչի որոշմամբ Արթուր Մկրտչյանը ձերբակալվել է:
Սպանվել է Շամշադինի զինվորական կոմիսարը
Բաժանորդագրվել
Սպանություն կատարող կասկածյալը տեղափոխվել է բժշկական կենտրոն՝ փորձաքննության: Պարզվել է, որ նա գտնվել է ոչ սթափ վիճակում
