ԵՐԵՎԱՆ, 19 սեպտեմբերի– Sputnik. Սլովենիան սպասում է, որ միգրանտների հոսքը կուժեղանա Հունգարիայի կողմից սահմանային հսկողության խստացումից հետո, գերմանական Rheinische Post թերթին տված հարցազրույցում հայտարարել է ԳԴՀ–ում Սլովենիայի դեսպան Մարտա Կոս Մարկոն։
«Առայժմ դժվար է ասել, թե նրանք քանիսը կլինեն։ Հնարավոր է, օրական 1000–ից 2000 մարդ»,– ենթադրել է նա։
Միաժամանակ նա հայտարարել է, որ Սլովենիան պատրաստ է անհրաժեշտության դեպքում ընդունել և պաշտպանել մինչև 10 հազար փախստականի, եթե նրանք հարցում ներկայացնեն փախստականի կարգավիճակ ստանալու համար։
Կոս Մարկոյի խոսքով` միգրանտներին ընդունելիս Սլովենիան կհետևի այն կանոններին, որոնք սահմանվել են Շենգենյան և Դուբլինյան համաձայնագրերով, ինչպես նաև մարդասիրական օգնություն ցուցաբերել փախստականներին։
Ավելի վաղ նշվել էր, որ Սլովենիան ուժեղացված հսկողություն է սահմանել իր սահմանին։
Բալկանյան տարածաշրջանի երկրներն այս տարի բախվել են հիմնականում Մերձավոր Արևելքից և Հյուսիսային Աֆրիկայից փախստականների հսկայական հոսքի հետ, որոնք նրանց երկրների տարածքով ուղղորդվում են դեպի Արևմտյան և Հյուսիսային Եվրոպայի երկրներ։ 2015թ.–ի սկզբից Եվրամիության տարածք են ժամանել շուրջ 500 հազար միգրանտներ, ամեն օր նրանց շարքերը համալրվում են հազարավոր նոր եկվորներով։
Միգրանտների հոսքը Սլովենիայում կուժեղանա
© Sputnik / Дмитрий Виноградов
/ Բաժանորդագրվել
Սլովենիան սպասում է, որ միգրանտների հոսքը կուժեղանա, երբ Հունգարիան խստացրել է սահմանային հսկողությունը։ Սլովենական իշխանությունները կընդունեն և կպաշտպանեն միգրանտներին, եթե նրանք հարցում ներկայացնեն փախստականի կարգավիճակ ստանալու մասին, հայտարարել է ԳԴՀ–ում Սլովենիայի դեսպան Մարտա Կոս Մարկոն
