ԵՐԵՎԱՆ, 17 սեպտեմբերի– Sputnik. «Հայաստանի ազգային ազատագրական շարժում» կազմակերպության ղեկավար և ընդդիմադիր Վահան Մարտիրոսյանի փախուստը Ադրբեջան հիմար և անիմաստ քայլ է, որով նա ոչնչի չի հասնի, Sputnik Արմենիա պորտալին ասաց տեղեկատվական անվտանգության փորձագետ, հայտնի բլոգեր Տիգրան Քոչարյանը։
Ավելի վաղ ադրբեջանական ԶԼՄ–ներում տեղեկատվություն էր հայտնվել այն մասին, որ «Հայաստանի ազգային ազատագրական շարժում» կազմակերպության ղեկավար և ընդդիմադիր Վահան Մարտիրոսյանը քաղաքական ապաստան է խնդրել Ադրբեջանում։ Մամուլում նշվում է, որ Մարտիրոսյանի գլխավորած ընդդիմադիր կազմակերպությանը ճնշել են Հայաստանի պետական մարմիններն ու առանձին պաշտոնատար անձինք։
«Մենք գիտենք, թե ինչպես են Ադրբեջանում վերաբերվում թշնամու կողմն անցած նման դավաճաններին, այնպես որ կարող եմ ասել, որ մարդն ինքն իրեն նսեմացրել է, և այլևս գնալու տեղ չկա», – ասաց Քոչարյանը։
Ադրբեջանական ԶԼՄ–ները տեղեկացրել են, որ Մարտիրոսյանը փախել է «իր և սեփական ընտանիքի անվտանգությունն ապահովելու համար` խնդրելով տրամադրել իրեն քաղաքական ապաստան»։
Քոչարյանը կարծում է, որ Մարտիրոսյանն այն աստիճան իրեն չի գտել Հայաստանում, որ փորձել է իր յուրաքանչյուր քայլով ցնցել հասարակությանը և, վերջիվերջո, նմանք քայլի է դիմել։
«Այն, որ նա ցանկացել է փախչել, իր անձնական գործն է։ Սակայն այն, ինչ նա հայտնվել է Ադրբեջանում… Ինձ չի հետաքրքրում, թե ինչ կլինի այդ մարդու հետ հետագայում։ Չեմ հասկանում նման քայլերը։ Մարդն ինքն է որոշում` ինչպես վարվել։ Ադրբեջանում հայտնված մարդկանց վրա ես խաչ եմ քաշում։ Ինձ նրանք պարզապես հետաքրքիր չեն», – ավելացրեց Քոչարյանը։
Փորձագետ. Վահան Մարտիրոսյանն Ադրբեջան փախչելով ոչնչի չի հասնի
© Личная страница в Facebooke
Բաժանորդագրվել
Մենք գիտենք, թե ինչպես են Ադրբեջանում վերաբերվում թշնամու կողմն անցած նման դավաճաններին, այնպես որ կարող եմ ասել, որ մարդն ինքն իրեն նսեմացրել է, և այլևս գնալու տեղ չկա, նշեց տեղեկատվական անվտանգության փորձագետ, հայտնի բլոգեր Տիգրան Քոչարյանը
