Ուկրաինական ազգանունների համար «Ռոսիա սեգոդնյա»–ի աշխատակցուհիները պատժամիջոցների ներքո են հայտնվել

ԵՐԵՎԱՆ, 17 սեպտեմբերի — Sputnik. «Ռոսիա սեգոդնյա» գործակալության երկու աշխատողների ուկրաինական ազգանունները դարձել են Կիևի պատժամիջոցների ցուցակում հայտնվելու միակ պատճառ, կարծում է «Ռոսիա սեգոդնյա» ՄՏԳ գլխավոր խմբագիր Մարգարիտա Սիմոնյանը։

Ուկրաինայի նախագահ Պյոտր Պորոշենկոն չորեքշաբթի գործողության մեջ է դրել և Ուկրաինայի ազգային անվտանգության խորհրդի և պաշտպանության խորհրդի որոշումը Ռուսաստանի դեմ պատժամիջոցներն ընդլայնելու մասին, ինչը սահմանափակումներ է պարունակում 388 ֆիզիկական անձանց և 105 իրավաբանական անձանց, այդ թվում` քաղաքական գործիչների, պաշտոնյաների և լրագրողների համար։

Պատժամիջոցների տարբեր տեսակները, սկսած երկիր մտնելու արգելքից մինչև գույքը կալանքի տակ առնելը, սահմանված են մեկ տարով։ Պատժամիջոցների ներքո հայտնված ռուսների թվում են մշակույթի, քաղաքականության գործիչներ և լրագրողներ։

Բացի «Ռոսիա սեգոդնյա» ՄՏԳ գլխավոր տնօրեն Դմիտրի Կիսելյովից, պատժամիջոցների ցուցակում են Թուրքիայում գործակալության ներկայացուցչության ղեկավար Ելենա Պալաժչենկոն և Ղազախստանում ներկայացուցչության ղեկավար Օլգա Կովալենկոն։

«Մենք մտահոգված էինք, թե ինչու են ցուցակում հայտնվել մեր երկու լրագրողները, ովքեր երբեք չեն գրել Ուկրաինայի մասին։ Մեկն աշխատում է Ղազախստանում, մյուսը` Թուրքիայում։ Հետո հասկացանք` երկուսն էլ ուկրաինական ազգանուններ ունեն։ Հավանաբար, այդ պատճառով էլ նրանց արգելել են մտնել Ուկրաինա։ Այլ պատճառներ չենք տեսնում։ Այդ ցուցակում նաև BBC լրագրողների ընդգրկած ուկրաինական իշխանությունների տրամաբանությունը և գործողությունների խելամտությունը հասկանալ չեմ էլ փորձում»,– ասել է «Ռոսիա սեգոդնյա» ՄՏԳ գլխավոր խմբագիր Մարգարիտա Սիմոնյանը։