Բժիշկները պարզել են, թե որոնք են ամենաբարեկազմ և ամենագեր ազգերը

ԵՐԵՎԱՆ, 15 սեպտեմբերի– Sputnik. Բժիշկների միջազգային խումբը գենետիկ հետազոտություն է անցկացրել պարզելու համար, թե եվրոպական որ ազգերն են ամենաբարեկազմը և նրանցից որոնք են հակված գիրության։ Այս մասին գրում է Daily Mail–ը` հղում անելով Nature Genetics գիտական ամսագրին։

Բժիշկները հետազոտել են շուրջ 250 հազար մարդու և 17,5 հազար ազգակցական զույգի` Եվրոպայի 14 երկրից։ Գերմանացիներն ու սլավոնացիները չեն մասնակցել հետազոտությանը։

Հետազոտությունը ցույց է տվել, որ որքան բարձր է տվյալ ազգի ներկայացուցիչների հասակը, այնքան ավելի բարեկազմ են նրանք և քիչ է նրանց մարմնի զանգվածի ցուցիչը (ՄԶՑ), որը որոշվում է որպես մարմնի զանգվածի (կիլոգրամներով) հարաբերակցություն մարմնի հասակի (մետրերով) քառակուսուն և թույլ տալիս որոշել ավելորդ քաշը։ Այսպես, 67 կգ քաշի և 1,7 մետր հասակի դեպքում ՄԶՑ–ն հավասար է 23–ի։

Ամենանիհար և բարձրահասակ ազգերն են սկանդինավյան երկրների ներկայացուցիչները (Նորվեգիա, Շվեդիա, Դանիա), իսկ ամենագեր մարդիկ ապրում են Իսպանիայում, Իտալիայում, Պորտուգալիայում և Հունաստանում։

Ֆրանսիաներն ու բրիտանացիները գտնվում են վարկանիշի մեջտեղում։

Ինչպես նշում են բժիշկները, այդ տվյալների վրա ազդում է ոչ միայն գենետիկան, այլ նաև այս կամ այն ազգի աշխարհագրական դիրքը, ինչպես նաև ազգային խոհանոցի և ավանդույթները և բնապահպանական իրավիճակը։